Otyrarlyq Nursultan 20 jasqa toldy
Astananyń mereıli merekesine arnalǵan erkin formattaǵy basqosýda aýdan basshysy Erlan Aıtahanov otyrarlyqtar men jastardy aıtýly merekemen quttyqtap, Astananyń aýyz toltyryp aıtar mártebesi men ereksheligine toqtaldy.
«Ózderińizge belgili, Elbasymyz osydan jıyrma jyl buryn memleket múddesin tarazylap tarıhı sheshim qabyldaǵan bolatyn. Astananyń elimizdiń ortalyǵy Arqa tósine kóshýi saıası, mádenı - rýhanı, ekonomıkalyq turǵydan oń sheshim bolǵany bul kúnderi dáleldenip otyr. Azıada oıyndary, OBSE samıti, Eýrazııa forýmy, EKSPO-2017 t.b. halyqaralyq sharalar álem nazaryn bizdiń elge aýdardy. Barshańyzdy Astanynyń 20 jyldyq merekesimen quttyqtaımyn! Elimiz tynysh, jurtymyz aman bolyp, Elordamyzdyń abyroıy asqaqtaı bersin!» - dep, izgi nıetin bildirgen Otyrar aýdanynyń ákimi 6 shildede dúnıege kelgen Astanamen qurdas, Elbasymen attas - Nursultan Oralhandy týǵan kúnimen quttyqtap, arnaıy syılyq tabys etti.
Jıyn barysynda aýdannyń birqatar belsendi jastary alǵys hattarmen marapattaldy.
Merekelik sharada Astananyń qurdastary Elordaǵa arnaǵan óleńderin oqyp, án aıtyp dýman kórkin qyzdyrdy.
