«Otpantaýdan – Ulytaýǵa»: Mańǵystaýlyq sýretshiler elordada ekspedıtsııany qorytyndylady
Astana qalasynda Mańǵystaý oblysy sýretshileriniń «Kúzgi vernısaj» kórmesi uıymdastyryldy, dep habarlaıdy Kazinform.
Kórme maqsaty – «Otpantaýdan – Ulytaýǵa» sýretshiler ekspedıtsııasynyń qorytyndysyn usyný.
Ekspedıtsııa «Aqtaý qalalyq sýretshiler odaǵy» qoǵamdyq birlestigi, Mańǵystaý oblysynyń mádenıet, arhıvter jáne qujattama basqarmasynyń memlekettik granty aıasynda mańǵystaýlyq sýretshilerdiń biliktiligin arttyrý úshin qolǵa alyndy.
Bıylǵy maýsym aıynda Aqtaýda aımaqtaǵy daryndy sýretshilerdi irikteý ótti. Al shildede 4 oblystyń kıeli jerlerine ekspedıtsııa jáne kásipqoı sýretshilerdiń qatysýymen sheberlik-sabaqtar uıymdastyryldy. Ekspedıtsııa Otpantaý – Saraıshyq –Bókeı ordasy – Qorqyt ata – Qoja Ahmet ıAsaýı – Jádigerler kesheni baǵytyn qamtydy. Onyń aıasynda aımaq sýretshileri Mańǵystaý oblysynan bastap Ulytaý oblysyna deıin jol júrip, kıeli jerlerde plener uıymdastyrdy.
Óńir sýretshileri «Otpantaýdan – Ulytaýǵa» ekspedıtsııasynyń qorytyndysy retinde Astana qalasyndaǵy «Kúzgi vernısaj» kórmesine shaqyrady.
