Ótken jyly Astanada qos azamattyǵy bar 43 adam jazalandy

ASTANA. QazAqparat – Byltyr ózge elderdiń azamattyǵyn qabyldasa da, Qazaqstan azamattyǵynan shyqpaǵan 43 adam ákimshilik jaýapkershilikke tartyldy. Bul týraly elordadaǵy Polıtsııa departamenti Kóshi-qon qyzmeti basqarmasy basshysynyń orynbasary Anar Jomartova aıtty, dep habarlaıdy QazAqparat tilshisi.

«Qos azamattyqqa qarsy tıisti sharalar qabyldandy. Ózge elderdiń azamattyǵyn qabyldaǵan 753 adamǵa qatysty Qazaqstan azamattyǵynan aıyrý rásimi tirkeldi. 43 adam ákimshilik jaýapkershilikke tartyldy», - dedi A. Jomartova 2022 jyly kóshi-qon salasynda atqarylǵan jumysqa qatysty ótken baspasóz máslıhatynda.

Sonymen qatar ol byltyr Qazaqstan Respýblıkasynda turaqty turýǵa ótinish tapsyrǵan 1 myń 956 shetel azamaty tirkelgenin aıtty.

«Qazirgi kezde elordada turaqty turatyn shetel azamattarynyń sany 14 myńǵa jaqynda. Onyń 6 myńy etnıkalyq qazaq. Sonymen qatar, qalada 361 azamattyǵy joq adam turyp jatyr», - dedi Anar Jomartova.

Budan buryn habarlanǵandaı, 2022 jyly elordada ýaqytsha tirkelgen shetel azamattarynyń sany ósti.

Astanada kóshi-qon zańnamasyn buzǵan 6 myńǵa jýyq shetel azamaty anyqtaldy.

2022 jyly elordada kóshi-qon salasyna qatysty 635 myńnan astam qyzmet kórsetildi.