Ótken jyly Astana bıýdjetine 937 mlrd teńge túsken – Máslıhat
Onyń aıtýynsha, ótken jyly Astana qalasy bıýdjetine 937 mlrd 646 mln teńge tústi nemese 30 mlrd 153 mln teńgege asyra oryndaldy.
«Menshikti kiristerdiń jıyntyq kólemi 898 mlrd 608 mln teńgeni qurady nemese 103,8 paıyzǵa oryndaldy. Sonyń ishinde salyq túsimderi boıynsha túskeni 556 mlrd 603 mln teńge nemese 29 mlrd 461 mln teńge asyra oryndaldy. Salyqtyq emes túsimder boıynsha 19 mlrd 576 mln teńge nemese 114,8 paıyz kórsetkish bar, qosymsha 2 mlrd 520 mln teńge túsken», - dedi Á. Jumaev Astana qalalyq máslıhatynyń otyrysynda.
Sonymen birge, Astana qalasy bıýdjetiniń 2022 jylǵy shyǵyndary 954 mlrd 309 mln teńgeni nemese 98,3 paıyzdy qurady.
«Shyǵystardyń jalpy somasynyń 1,6 paıyzy ıgerilmedi. Paıdalanylmaǵan qarajattyń jalpy somasynyń 41,9 paıyzy – kólik jáne jol-kólik ınfraqurylymyn damytý basqarmasyna, 33,33 paıyz – qurylys basqarmasyna, 12,7 paıyz – otyn-energetıka kesheni jáne kommýnaldy sharýashylyq basqarmasyna, 4,4 paıyz – bilim basqarmasyna, 1,7 paıyz – jumyspen qamtý jáne áleýmettik qorǵaý basqarmasyna tıesili. Qalǵan ıgerilmegen somalar basqa basqarmalarda baıqalǵan», - dedi Álibı Jumaev.
Bıýdjet qarajatyn ıgermeýdiń basty sebepteriniń biri – qurylys materıaldarynyń qymbattaýy jáne jobalyq smetalyq qujattamany túzetý bolǵan.
«Oǵan qosa, 2022 jylǵy respýblıkalyq bıýdjetke naqtylaý júrgizilgen. Bul qarajatty basqa jobalarǵa qaıta bólýge múmkindik bermedi», - dep túsindirdi Qarjy basqarmasynyń basshysy.
