Ótken táýlikte Almaty oblysynda 195 adam koronavırýs juqtyrdy

TALDYQORǴAN. QazAqparat- Ótken táýlikte Almaty oblysynda 195 adam koronavırýs juqtyrdy, - dep habarlaıdy QazAqparat tilshisi.

Sonyń ishinde Taldyqorǵan qalasynda 60 jaǵdaı, Talǵar aýdanynda - 30, Qaratal aýdanynda – 17, Kerbulaq aýdanynda – 14, Qarasaı aýdanynda – 13, Uıǵyr aýdanynda – 11, Panfılov aýdany men Tekeli qalasynda 10 jaǵdaıdan, Alakól aýdanynda – 8, Eskeldi aýdanynda – 6, Eńbekshiqazaq jáne Іle aýdandarynda 5 jaǵdaıdan, Jambyl jáne Sarqan aýdandarynda 3 jaǵdaıdan tirkeldi. Sondaı-aq ótken táýlikte 327 adam emdelip shyqty. Óńir «qyzyl» aımaqta. «7-aqpandaǵy jaǵdaı boıynsha óńirde 1050 adam statsıonarlyq em qabyldaýda. Bir táýlikte aýrýhanalarǵa 74 adam tústi.

Óńirdiń aýrýhanalaryndaǵy tósek oryndar sany – 2780. Tósek-oryn júktemesi – 37,7 %. Jansaqtaý bóliminde 19 adam em qabyldaýda. Jansaqtaý bólimindegi tósek oryndardyń júktemesi 6,7 % quraıdy (280 jatyn oryn). Sońǵy 3 kúnde 6973 adamnyń koronavırýsqa synamalary zerthanalarda tekserildi»,- delingen Almaty oblystyq sanıtarııalyq-epıdemıologııalyq baqylaý departamentiniń baspasóz qyzmeti taratqan habarlamada.

Almaty oblysy boıynsha koronavırýsqa qarsy vaktsınanyń 1-shi komponentin alǵandar sany – 951 656. Sonyń ishinde ótken kúni ekpe alǵandar sany – 3347.

Ekpeniń 2-shi komponentin alǵandar sany – 871 423. Sonyń ishinde ótken kúni ekpe alǵandar sany 562 adam.