Ótken aıda Qazaqstandaǵy ınflıatsııa 0,2 paıyzdy qurady - Statıstıka

ASTANA. 3 maýsym. QazAqparat - 2013 jyldyń mamyr aıynda Qazaqstandaǵy ınflıatsııa 0,2 paıyzdy qurady. Bul rette baǵa azyq-túlik taýarlaryna 0,2 paıyzǵa, azyq-túlik emes taýarlaryna - 0,1 paıyz, aqyly qyzmetterge 0,3 paıyzǵa ósken.

QR Statıstıka agenttiginiń habarlaýynsha, ótken aıda respýblıka boıynsha orta eseppen baǵa basty pııazǵa 6,2 paıyz, qyzylshaǵa - 4,9 paıyz, kartopqa - 4,7 paıyz, sábizge - 3,4 paıyz, qyryqqabatqa - 1,6 paıyz, untaq, arpa jarmalarǵa - 1,1 paıyzdan, suly jarmaǵa - 1 paıyz, mıneraldy jáne aýyz sýǵa - 0,7 paıyz, qoı etine, shaıǵa - 0,3 paıyzdan ósýi belgilengen. Baǵanyń tómendeýi qııarǵa 12,1 paıyzdy, qyzanaqqa 8,7 paıyzdy, jumyrtqaǵa 2,6 paıyzdy, shıki sútke - 1,8 paıyzdy, qaraqumyq jarmaǵa - 0,7 paıyzdy, kúnbaǵys maıyna - 0,3 paıyzdy quraǵan.

Sonymen qatar, ótken aıda qurylys materıaldaryna, turmystyq aspaptarǵa baǵanyń 0,5 paıyzǵa joǵarylaýy tirkeldi. Jýǵysh jáne tazalaǵysh quraldar, kıim jáne aıaq kıim, farmatsevtıkalyq ónimder 0,2 paıyzǵa qymbattaǵan.

«Alys qashyqtyqqa qatynaıtyn jolaýshylardyń temir jol kólik jolaqysy 3,7 paıyzǵa, meıramhanalar men qonaq úılerdiń qyzmetteri - 0,9 paıyzǵa, densaýlyq saqtaý qyzmetteri - 0,7 paıyzǵa, shashtarazdar men jeke qyzmet kórsetý oryndarynyń qyzmetteri - 0,6 paıyzǵa, mektepke deıingi jáne bastaýysh bilim berý qyzmetteri - 0,2 paıyzǵa qymbattady. Turǵyn úı-kommýnaldyq qyzmetter salasynda tarıfter qoqys jınaýǵa, turǵyn úıdi kútip ustaýǵa - 0,8 paıyzǵa ósti», - delingen baspasóz baıanynda.