Ótken aıda ınflıatsııa 0,7 paıyzdy qurady - Statıstıka agenttigi
QR Statıstıka agenttigi habarlaǵandaı, azyq-túlik taýarlarynyń baǵasy 0,3 paıyzǵa, azyq-túlik emes taýarlarynyń quny 0,5 paıyzǵa ósti. Al aqyly qyzmetter 1,2 paıyzǵa qymbattady. Atap aıtqanda, sáýir aıynda jumyrtqa - 2%, et jáne qus eti - 1,1%, qant - 0,9%, alkogolsiz sýsyndar men kondıterlik ónimder - 0,6%, jemis-jıdek - 0,5%, sút jáne teńiz ónimderi 0,4 paıyzǵa kóterildi. Sol sııaqty tsement - 1,2%, temeki ónimderi - 1%, úı turmysyna qajetti zattar, kıim jáne aıaq kıim, farmatsevtıkalyq ónimder - 0,2, benzın - 3,7%, dızel otyny 3,5%-ǵa qymbattady. Áýe tasymaly qyzmetteri - 6,7%, temir jol kóligi - 6,2%, densaýlyq saqtaý - 0,9%, shashtarazdar men jeke qyzmet kórsetý oryndary - 0,8%, mektepke deıingi jáne bastaýysh bilim berý - 0,7%, meıramhanalar men qonaq úılerdiń qyzmetteri 0,3%-ǵa ósti. Al turǵyn-úı kommýnaldyq qyzmetter salasynda elektr energııa tarıfteri - 6,5%, sýmen jabdyqtaý men káriz - 1%, jylýdyń baǵasy 0,5 paıyzǵa joǵarylady.