Ótken aptada elimizdiń aýmaǵynda 3 myńnan astam qylmys jasaldy
«Ótken aptada 3278 qylmys jasaldy. Onyń ishinde 1978-i táýlik ishinde ashyldy. Polıtsııa qyzmetkerleri izin sýytpaı 12 kisi óltirýdi, 5 adam ólimine ákep soqqan densaýlyqqa qasaqana aýyr zııan keltirýdi, 3 qaraqshylyq, 37 tonaý men 512 bóten múlikti urlaý qylmystaryn ashty», - dedi ІІM ókili vedomstvonyń baspasóz qyzmeti alańynda ótken brıfıngte.
«Marat Ahmetjanov vedomstvo polıtsııa qyzmetkerleriniń quqyqtyq tártip pen azamattardyń qaýipsizdigin qamtamasyz etý boıynsha tıimdi jumys isteýi úshin jaǵdaı jasaýdy jalǵastyratynyn atap ótti. Jeke qurammen kezdesýde mınıstr Memleket basshysy jańa Qazaqstandy qalyptastyrýda ІІM-ge qoıǵan talaptardy, sonymen qatar qyzmetkerler arasynda sybaılas jemqorlyqqa qarsy kúresti kúsheıtýdi eske saldy. Sondaı-aq ol tsıfrlandyrýdy engizý, bıýrokratııany qysqartý jáne sotqa deıingi tergeý kezinde qujat aınalymyn azaıtý boıynsha tapsyrmalar berdi», - dedi Shuǵyla Turlybek.
