Ótken aptada elde 3 myńnan astam qylmys jasalǵan

ASTANA. QazAqparat – Іshki ister mınıstrliginiń ókili Shuǵyla Turlybek krımınaldyq ahýal boıynsha ótken aptadaǵy statıstıkany usyndy, dep habarlaıdy QazAqparat tilshisi.

«Bir aptada 3011 qylmys jasaldy. Onyń 1810-y táýlik ishinde ashyldy», - dedi ol vedomstvonyń onlaın brıfıngisinde.

ІІM ókiliniń aıtýynsha, bir aptada kisi qolynan 10 adam qaıtys bolǵan.

«Polıtsııa qyzmetkerleri izin sýytpaı kisi óltirýdiń – 5, ólimge ákep soqqan densaýlyqqa qasaqana aýyr zııan keltirýdiń – 5, qaraqashylyqtyń – 1, tonaýǵa qatysty – 34, bótenniń múlkin urlaý boıynsha 430 qylmysty ashty», - dedi Shuǵyla Turlybek.