«Otbasy banki» basshysy zeınetaqynyń bir bóligin alýǵa ótinim qabyldanatyn naqty merzimdi atady

NUR-SULTAN. QazAqparat –«Otbasy banki» AQ basqarma tóraǵasy Lázzat Ibragımova zeınetaqynyń bir bóligin alýǵa ótinim qabyldanatyn naqty merzimdi atady, dep habarlaıdy QazAqparat tilshisi.

«Biz baǵdarlamanyń bastalýyn taǵatsyzdana kútip otyrmyz. Erteń saǵat 09.00-de, ıaǵnı jumys bolmaıtyn senbi kúni ótinimdi qabyldaı bastaımyz. Biz demalys kúnin arnaıy tańdap aldyq. Ýaqyttyń adamdardyń bári de ótinim bere alatyndaı yńǵaıly bolýyn kózdedik», - dedi Lázzat Ibragımova Ortalyq kommýnıkatsııalar qyzmetiniń alańynda ótken baspasóz máslıhatynda.

Onyń aıtýynsha, azamattar zeınetaqynyń bir bóligin kez kelgen úıdi satyp alýǵa jumsaı alady. ıAǵnı ekinshi naryqtaǵy baspanany da, jańa úıdi de satyp alý úshin ol somany paıdalanýǵa bolady.

«Bul jaǵynan eshqandaı shekteý joq», - dedi Lázzat Ibragımova.