Otbasy bank turǵyn úımen qamtý protsesin qalaı avtomattandyrady

ASTANA. KAZINFORM — Elimizde turǵyn úı kezeginde turǵandar arasynda baspana bólý tetigi zańnamalyq negizde ózgertildi. Ondaǵy maqsat — memleket esebinen salynǵan jalǵa beriletin nemese kredıttik turǵyn úıdi, sondaı-aq jeńildetilgen ıpotekalyq nesıeni rasymen de muqtaj adamdarǵa berý.

Mundaı norma «Qazaqstan Respýblıkasynyń keıbir zańnamalyq aktilerine turǵyn úı saıasatyn reformalaý máseleleri boıynsha ózgerister men tolyqtyrýlar engizý týraly» zańda kózdelgen. Qujatqa Prezıdent qol qoıdy.

Oǵan sáıkes, Otbasy bank ulttyq damý ınstıtýty mártebesin alǵan soń turǵyn úıge muqtaj azamattardy esepke alý, kezekke qoıý jáne turǵyn úıdi bólý boıynsha ortalyqtandyrylǵan júıeni iske qosýdy josparlap otyr.

                                            Turǵyn úı saıasatyn reformalaý

— Biryńǵaı respýblıkalyq elektrondyq bazany júrgizý jáne ózektendirý;

— «Turǵyn úımen qamtamasyz etý ortalyǵy» elektrondyq bazasyn qalyptastyrý, júrgizý jáne ózektendirý;

— Kommýnaldyq turǵyn úı qorynan nemese jeke turǵyn úı qorynan jergilikti atqarýshy organdary jalǵa alǵan turǵyn úıdi berý týraly sheshim qabyldaý;

— Jeke turǵyn úı qorynan jalǵa alynǵan turǵyn úıdi jaldaý aqysynyń bir bóligin sýbsıdııalaý;

— Turǵyn úı qurylys jınaqtary júıesi arqyly jeńildetilgen ıpotekalyq turǵyn úı qaryzdaryn berý.

                      Otbasy bank: Turǵyn úıge muqtaj jandardy esepke qoıý

— sońǵy bes jyl ishinde Qazaqstan Respýblıkasynyń aýmaǵynda menshik quqyǵynda turǵyn úıi joq jandar;

— eger jalǵyz turǵyn úıi apatty dep tanylsa;

— esepke qoıǵan kezde jáne kommýnaldyq turǵyn úı qorynan nemese memlekettik kásiporynnyń turǵyn úı qorynan turǵyn úı bergen kezde Qazaqstan Respýblıkasynyń aýmaǵynda menshik quqyǵynda olardyń turǵyn úıi bolmasa;

— esepke qoıǵan kezde jáne memlekettik mekemeniń turǵyn úı qorynan turǵyn úı bergen kezde osy eldi mekende menshik quqyǵynda turǵyn úıi bolmasa.

Esepke qoıǵan kezde jáne memlekettik mekemeniń turǵyn úı qorynan turǵyn úı bergen kezde osy eldimekende menshik quqyǵynda turǵyn úıi bolmasa.

Aıta ketsek, Otbasy bank esepke qoıý kezinde Qazaqstan Respýblıkasy azamattarynyń, qandastardyń jáne olardyń otbasy músheleriniń derbes derekterdi jınaýǵa jáne óńdeýge kelisimin alýǵa mindetti.

                                                                     Turǵyn úı kezegi

Búginde 650 myńnan astam azamat baspana kezeginde tur, túgendeý jumysyn ákimdikter júrgizýi tıis. Osy oraıda, Ónerkásip jáne qurylys mınıstrliginiń málimeti boıynsha, «E-kezekte» júıesimen tekserý arqyly 394 myń sáıkessizdik anyqtaldy. Anyqtalǵan sáıkessizdikter ákimdikterge sheshim qabyldaý úshin usynyldy. Degenmen ákimdikterdiń turǵyn úı kezegine qoıý qarqyny esepten alý qarqynynan asyp túsken, bıyl 56 223 azamat baspana kezegine turdy.

Endi turǵyn úıdi bólý tetigi túbegeıli ózgeristerge ushyraıdy. Otbasy bank ulttyq damý ınstıtýty bola otyryp, kezekte turǵandardyń qazirgi, qalyptasqan biryńǵaı respýblıkalyq bazasyn júrgizetin jáne «Turǵyn úımen qamtamasyz etý ortalyǵy» jańa elektrondyq bazasy arqyly turǵyn úıge muqtaj azamattardan ótinimder qabyldaıtyn bolady. Ótinishter Otbasy bankine Baspana market (otbasybank.kz) platformasy arqyly onlaın rejıminde joldanady.

Kezekke qoıý týraly ótinishterdi Otbasy bank zańnamada kórsetilgendeı, alty aılyq ótpeli kezeń aıaqtalǵannan keıin, 2025 jyly qabyldaı bastaıdy. Osy ýaqytqa deıin ákimdikter kezekte turǵandardyń esebin júrgizýdi jáne biryńǵaı respýblıkalyq bazany qalyptastyrýdy jalǵastyra beredi.

Búginde Otbasy banktiń qyzmeti 8 memlekettik organdardyń derekter bazasymen ıntegratsııalanǵan, bolashaqta olardyń sany ulǵaıady.

1) esepke qoıýǵa ótinim qabyldaý;

2) memlekettik derekter bazasynyń servısterimen ıntegratsııalyq ózara is-qımyl jasaý arqyly azamattar derekteriniń ózektiligin tekserý;

3) júıedegi derekter nátıjesin óńdeý, esepke qoıý, turǵyn úı berý bolmasa esepten shyǵarý týraly oń nemese teris sheshim qabyldaý;

4) turǵyn úı kezeginde turǵan azamattarǵa túpkilikti jaýap, SMS habarlama túrinde jeke kabınetine jiberiledi.

Bul degenimiz, qazaqstandyqtardyń jyljymaıtyn múlki bar-joǵy avtomatty túrde tekseriledi, sol arqyly azamattardyń otbasylyq jaǵdaıy anyqtalyp, turǵyn úıge muqtaj jandardyń mártebesi men sanaty rastalady. Al júıeni avtomattandyrý atalǵan protsestiń ashyqtyǵyn qamtamasyz etedi jáne adamı faktordy joıady.

«Turǵyn úımen qamtamasyz etý ortalyǵynyń» jumysy «bir tereze» qaǵıdatymen jumys isteıdi. Bul degenimiz «turǵyn úıge muqtaj» mártebesin rastaý úshin qazaqstandyqtar burynǵydaı birneshe ınstantsııaǵa júginip, kezekke turyp, sodan keıin qoljetimdi zaem alý úshin bankke baryp, áýre-sarsańǵa túspeıdi. Sondaı-aq, muqtaj jandar arasynda turǵyn úıdi bólý esepke qoıý kúnine jáne tabys deńgeıine baılanysty júzege asyrylady», — deıdi Otbasy bankiniń basqarma tóraǵasy Lázzat Ibragımova.

Basqarma tóraǵasynyń aıtýynsha, jańa zań aıasynda jergilikti ákimdikter jeńildetilgen áleýmettik turǵyn úı salýdy jalǵastyra beredi, al Otbasy bank jańa turǵyn úılerdi kezekte turǵan azamattar arasynda bólip, rettep otyrady.

Osylaısha Otbasy bank ulttyq damý ınstıtýty bola otyryp, Ulttyq bank jáne Qarjy naryǵyn retteý jáne damytý agenttiginiń retteýimen, ekinshi deńgeıli bankter, sondaı-aq Qazaqstannyń depozıtterge kepildik berý qory júıesinde burynǵydaı jumys isteıdi.

Aıta ketsek, búginde Otbasy bankiniń 4 jeńildetilgen ıpotekalyq baǵdarlamasy jumys istep tur.

Turǵyn úı-kommýnaldyq ınfraqurylymdy damytýdyń 2023-2029 jyldarǵa arnalǵan tujyrymdamasy negizinde «2-10-20» (burynǵy — «Baqytty otbasy») baǵdarlamasy boıynsha bıyl 37,6 mlrd teńgege 2 972 zaem berildi. Kelesi «5-10-20» (burynǵy — «Shańyraq») baǵdarlamasy boıynsha 46,4 mlrd. teńge somasyna 4 231 zaem berildi.

«Otaý» turǵyn úı baǵdarlamasy aıasynda 44,4 mlrd teńge somasyna 2 058 zaem berildi. Sondaı-aq, «Naýryz» baǵdarlamasy arqyly 117,1 mlrd teńge somasyna 4 487 zaem berildi.

Odan bólek, Otbasy bankiniń aýyl, aýdan ortalyqtary men monoqalalardyń turǵyndarynyń baspana máselesin jaqsartýǵa arnalǵan «Asyl meken» baǵdarlamasy iske qosylǵan. Bul baǵytta bank 2 mlrd teńge kóleminde qarajat bóldi, jalpy somasy 1,4 mlrd teńgege 150 zaem rastalyp, berildi.

«Otbasy bank» jas qazaqstandyqtardy qoldaý úshin óńirlik turǵyn úı baǵdarlamalaryn iske asyryp keledi. Maqsat — dárigerlerdi, muǵalimderdi, sportshylardy, tótenshe jaǵdaılar qyzmetkerlerin jáne basqa da mamandardy óńirde turaqtap qalýyn qoldaý. Resmı derekterge súıensek, 7 jyl ishinde 35 jasqa deıingi 7700-den astam óńir turǵyndary qonys toıyn toılaǵan.