Otbasy bank servısteriniń jumys istemeı qalýy múmkin ekenin eskertti

ASTANA. KAZINFORM — «Otbasy bank» AQ klınetterine erteń keıbir servısteriniń jumysynda kidirister bolýy múmkin ekendigin eskertti.

— 14 mamyr kúni saǵat 18:00–den 22:00–ge deıin júkteme testileýge baılanysty «Otbasybank.kz» jyljymaıtyn múlik portalynyń, enpf-otbasy.kz zeınetaqy aýdarymdaryn paıdalaný platformasynyń jáne «Otbasy bank Lite» jańa mobıldi qosymshasynyń jumysynda kidirister bolýy múmkin ekenin habarlaımyz, — delingen banktiń resmı saıtynda jarııalanǵan aqparatta.

Osy qolaısyzdyqtar úshin bank klıentterinen keshirim surap, atalǵan servısterdi paıdalaný kezinde osy aqparatty eskerýdi ótinedi.

Aıta keteıik, buǵan deıin sot oryndaýshylary «Otbasy bank» salymshylarynan 3,4 mlrd teńge jymqyrǵanyn jazǵan bolatynbyz.