Otbasy banki qyzmetteri ýaqytsha jumys istemeıdi

ASTANA. KAZINFORM —  Otbasy bank memlekettik syılyqaqynyń shottarǵa eseptelýine baılanysty qyzmetter qoljetimsiz bolady. 

Memlekettik syılyqaqynyń shottarǵa eseptelýine baılanysty 27 aqpan saǵat 18:00–den 2 naýryz saǵat 09:00–ge deıin kelesi qyzmetter qoljetimsiz bolady: 

bank bólimsheleri, agenttik jeli, vıdeobankıng, mobıldi qosymsha, ınternet-bankıng jáne «Baspana Market» portaly arqyly shottar men depozıtter ashý jáne tolyqtyrý, sondaı-aq biliktilikten ótý;

seriktes bankter arqyly kredıtter boıynsha tólemderdi qabyldaý jáne depozıtterge jarnalar engizý;

mobıldi qosymshadaǵy avtotólemder.

— Operatsııalardy josparlaý kezinde osy aqparatty eskerip, qajetti tólemderdi aldyn ala júzege asyrýdy suraımyz. Qolaısyzdyqtar úshin keshirim suraımyz jáne túsinistik tanytqandaryńyz úshin alǵys bildiremiz. 28 aqpan banktiń barlyq fılıaly men bólimsheleri úshin demalys kúni, — delingen habarlamada.

Aıta ketelik Otbasy bank 2 naýryzdan bastap turǵyn úı kezeginiń tártibin ózgertedi.