«Otbasy bank» derbes derekterdi jańartý tártibin túsindirdi

ASTANA. KAZINFORM — «Otbasy bank» Biryńǵaı respýblıkalyq kezekte turǵan azamattarǵa arnalǵan derbes derekterdi jınaýǵa jáne óńdeýge kelisim berýdi rásimdeýdiń nusqaýlyǵyn jarııalady.

Elorda ákimdiginiń málimetinshe, bul qadam bankke sizdiń derekterińizdi durys esepke alýǵa múmkindik beredi.

Ol úshin myna is-áreketterdi oryndaý kerek:

• Braýzerdi (Google Chrome, Safari) ashyp, orken.otbasybank.kz saıtyna kirińiz.
• «Kirý» túımesin basyp, ETsQ arqyly avtorızatsııadan ótińiz.
• Qupııasózdi engizip, kirýdi rastańyz.
• Júıege kirgennen keıin «Derekterdi jınaýǵa jáne óńdeýge kelisim» terezesi paıda bolady.
• Mátinmen tanysyp, «IÁ, men ótinishpen tanystym» degen qusbelgisin qoıyp, «ETsQ men qol qoıý» túımesin basyńyz. 

Aıta keteıik, buǵan deıin «Otbasy banki» «Keleshek» baǵdarlamasy aıasynda 6 762 kishkentaı qazaqstandyqtyń esepshotyna 1,6 mlrd teńge aýdarylǵanyn habarlady.

Sonymen qatar bank «Naýryz» baǵdarlamasy boıynsha kredıt berý úshin KASE-den 102,7 mlrd teńge tartqany anyqtaldy.