Otandyq týrızm salasyn tsıfrlandyrý usynyldy
Oblys ákiminiń birinshi orynbasary Lazzat Turlashov «ZhetysuTravel» Halyqaralyq týrıstik forýmynyń Taldyqorǵanda alǵash ret ótip otyrǵanyn atap ótip, oblystyń týrıstik tartymdylyǵyna, tamasha tabıǵatyna qysqasha toqtalyp ótti.
«Búgingi shara elimizdiń, sonyń ishinde oblysymyzdyń týrıstik áleýetin arttyrýǵa, ınfraqurylymyn damytýǵa óziniń zor yqpalyn tıgizedi dep oılaımyn. Memleket basshysy jaqynda jarııalaǵan Joldaýynda syrtqy jáne ishki týrızmdi damytýǵa erekshe kóńil bólýdi, salalyq memlekettik baǵdarlama qabyldaýdy tapsyrǵan bolatyn. Osy rette, memlekettik baǵdarlama jobasyna Alakól kóliniń jaǵalaýy, Іle Alataýynyń taý klasteri, Sharyn shatqaly sııaqty oblystyń iri týrıstik rekreatsııalyq aýmaqtaryn damytý baǵytyndaǵy usynystar engizilip, josparlary ázirlenip jatyr», - dep atap ótti L. Turlashov.
Óz kezeginde Qazaqstan Týrıstik qaýymdastyǵynyń atqarýshy dırektory, Qazaqstandyq qonaq úıler men meıramhanalar qaýymdastyǵynyń prezıdenti Rashıda Shaıkenova otandyq týrızmniń aldynda turǵan birneshe máseleni atap berdi.
«Halyqaralyq týrızm naryǵynda básekege qabiletti bolý úshin, eń aldymen, bul salada baı tarıhymyzdy, ıaǵnı Uly túrik órkenıetin, mádenıetimiz ben saltymyzdy pash ete bilýimiz kerek», - dedi R. Shaıkenova.
Sonymen qatar ol bilikti kadrlar daıarlaýdy, týrıstik nysandardy tsıfrlandyrýǵa jete mán berýdi aldyńǵy qatarly máselelerge jatqyzdy.
R.Shaıkenovanyń aıtýynsha, búgingi kúni otandyq týrıstik nysandardyń 17% ǵana óz qyzmetterin jarnamalaý men satý kanaly retinde ınternet pen áleýmettik jelilerdi paıdalanyp otyr. ıAǵnı tsıfrlandyrýǵa kirisý týrızmdi damytýdyń negizgi baǵyttarynyń biri bolýy tıis.
Forýmnyń plenarlyq otyrysynan keıin shara paneldik sessııalarmen jalǵasýda. Onda týrıstik uıymdar men sala mamandary «Týrıstik ónimderdi ilgeriletý quraldary», «Týrıstik ónimdi tsıfrlandyrý: kommýnıkatsııalar» taqyryptaryn talqylap jatyr.
Sondaı-aq forým aıasynda erteń, 20 qazanda Taldyqorǵandaǵy «Jastar» sport saraıynda Qazaqstan halyqtary ulttyq ashanalarynyń «Toı qazan» VI festıvali uıymdastyrylady. Oǵan qosa, Zhetysu Travel ortalyǵynyń ashylý saltanaty ótedi.
Jalpy, Almaty oblysyna keletin týrıster legi jyl saıyn 20-30% ósýde. Bıylǵy jyly óńirge taban tireıtin týrıster sany 2 mıllıonǵa jetedi dep kútilip otyr. Bul - ótken jylmen salystyrǵanda 31,3% kóp. 2018 jyldyń qorytyndysy boıynsha kórsetilgen týrıstik qyzmet 10,0 mlrd teńge shamasynda bolmaq. Sońǵy úsh jylda týrıstik ınfraqurylymdy damytýǵa 15,7 mlrd teńge memlekettik ınvestıtsııa baǵyttalǵan. Sonymen qatar jalpy quny 15,6 mlrd teńge jeke ınvestıtsııaǵa salynǵan týrısterdi ornalastyrýǵa arnalǵan 102 nysan paıdalanýǵa berildi. 
