Otandyq tuqym óndirýshilerge basymdyq berý DSU talaptaryna qaıshy - AShM

NUR-SULTAN. QazAqparat – Otandyq jáne sheteldik tuqym óndirýshiler arasynda preferentsııalar berý protektsıonızm retinde baǵalanýy múmkin. Aýyl shaýrashylyǵy mınıstriniń birinshi orynbasary Aıdarbek Saparov Májilis depýttarynyń saýalyna osyndaı jaýap qaıtardy, dep habarlaıdy QazAqparat tilshisi.

Májilis depýttary Amanǵalı Berdalın, Asqarbek Úısimbaev pen Qaınar Abasovtyń saýalyna bergen jaýabynda Aıdarbek Saparov biregeı tuqym óndirisin sýbsıdııalaý nege toqtatylǵanyn túsindirdi.

«Tuqym sharýashylyǵyn damytýdy sýbsıdııalaý sharty boıynsha tuqym satyp alýǵa ketken shyǵyndardy aqparattyq júıede elektrondyq shot-faktýralardy usyna otyryp dáleldeý qajet. Osyǵan baılanysty elıtalyq tuqym ósirý sharýashylyqtaryna naqty ótkizilgen biregeı tuqymdardyń kólemi sýbsıdııalanady. Biregeı tuqymnyń ózindik óndirisin sýbsıdııalaý kezinde aqparattyq júıede júrgizilgen kólemdi qujattardyń kómegimen rastaý máselesi týyndaıdy. Osyny eskere otyryp biregeı tuqym óndirisin sýbsıdııalaý orynsyz bolyp tabylady», - dedi vıtse-mınıstr.

Sondaı-aq, ol otandyq tuqymǵa beriletin sýbsıdııanyń kólemin shetelden alatyn tuqymǵa tólenetin sýbsıdııadan artyq etip belgileý múmkin emestigin eskertken.

«Otandyq selektsııa suryptaryn sýbsıdııalaý normatıvteri týraly aıtsaq, otandyq jáne sheteldik óndirýshiler arasynda preferentsııalar berý otandyq óndirýshilerdiń protektsıonızmi retinde baǵalanýy múmkin Qazaqstannyń DSU-ǵa músheligi sheńberinde osy sharany qabyldaý qolaısyz ekenin atap ótemiz», - dedi Aıdarbek Saparov óz jaýabynda.