«Otandyq kólikke otyratyn kez keldi» - respýblıkalyq basylymdarǵa sholý

ASTANA. 31 qańtar. QazAqparat - Qazaq aqparat agenttigi respýblıkalyq basylymdarda 31 qańtar, seısenbi kúni shyqqan ózekti materıaldarǵa sholýdy usynady.

***

Parlament Senatynyń Tóraǵasy Q.Mámıdiń aıtýynsha, 2011 jyldyń qorytyndysy boıynsha ishki jalpy ónim kólemi halyqtyń jan basyna shaqqanda 11 000-nan astam dollarǵa jetti. Qazaqstan sondaı-aq halyqara­lyq rezervter deńgeıi boıynsha aldyńǵy qatarly memleketter sanatyna kiredi. Eldiń halyq­ara­lyq rezervter jıyntyǵy 75 mlrd. AQSh dollarynan asyp tústi. 2011 jyldyń qorytyn­dy­la­ry boıynsha respýblıka eko­no­mıkasy 7,5 paıyzǵa

ósti. Soń­ǵy 2 jylda ǵana Indýs­trııa­lan­dyrý kartasy sheń­be­rinde respýblıkada jalpy so­masy 1,8 trln. teńgeniń 389 jo­basy iske qosylyp, 90 myńnan astam jumys orny ashylǵan. Bul týraly Senat Tóraǵasy Ońtústik Qazaqstan oblysyna jasaǵan jumys saparynda  aımaq aktıvimen kezdesýinde aıtty. Júzdesýde kóterilgen ózge de máseleler jóninde «Egemen Qazaqstan» basylymynyń búgingi sanyndaǵy «Óńirlerdi damytý - kelshekke kemel qadam» atty maqaladan oqyńyzdar.   

 Atalmysh basylym búgingi sanynda «Qorshaǵan orta taza bolýy úshin» atty maqala basty. «Keshe Qorshaǵan ortany qorǵaý mınıstrliginde Premer-Mınıstrdiń birinshi orynbasary Serik Ahmetovtiń qaty­sýymen mınıstrliktiń 2011 jylǵy jumys qorytyndylary jáne 2012 jylǵa arnalǵan mindetter týraly másele qaralǵan keńeıtilgen alqa otyrysy ótti.  Alǵashqy bolyp sóz tizginin alyp, baıandama jasaǵan vedom­stvo­nyń jańa basshysy Nurlan Qapparov mınıstrliktiń 2011 jyly atqarǵan qyzmetin egjeı-tegjeıli baıandap berdi. Mı­nıstr­liktiń strategııalyq jos­par­dy oryndaý sheńberinde qor­shaǵan orta sapasyn jaqsartý jáne tu­raq­tandyrý, sonymen qatar, Qa­zaqstannyń tómen kómirtekti da­mý­ǵa kóshýdiń negizgi baǵytt­a­ryn­da aıtarlyqtaı jumystar at­qar­ǵany týraly aıtqan mınıstr ót­ken jyly Memleket basshysy­nyń vedomstvoǵa 10 tapsyrma júkte­ge­nin, búgingi kúnge deıin olardyń be­seýiniń basy qaıyrylǵanyn atap ótti. Bul týraly «Egemen Qazaqstan» basylymynyń búgingi sanyn oqyńyzdar.

***

«Aıqyn» basylymynyń jazýynsha, elimizde avtoóndiristi jandandyrýǵa talpynys bar. Endi onyń taralymy, ótkizilýi máselesine moıyn burý kerek. Ústimizdegi jyldyń 1 qańtarynan

bastap jumysqa kirisken Biryńǵaı ekonomıkalyq keńistik avtoóndiris salasynyń da erekshe qarqynmen damýyna septigin tıgizbek. Endi úlken naryqqa qaraı jol ashyldy. Bul bir jaǵynan, alýshynyń qatary kóbeıip, saýdany qyzdyra túsedi degen úmit otyn úrlese, ekinshi jaǵynan, «Otandyq avtoóndiris ónimderi reseılik kólikterdiń tasasynda qalmaı ma?» degen de kúdik týdyrady. Bul saýaldyń jaýabyn «Aıqyn» basylymynyń búgingi sanyndaǵy «Otandyq kólikke otyratyn kez keldi» atty maqaladan izdeńiz.

 Sondaı-aq osy basylym búgingi sanynda Qazaqstan Ulttyq jaratylystaný ǵylymdary akademııasynyń vıtse-prezıdenti, professor Kárimbek Qurmanálıevpen bolǵan suhbatty jarııalaǵan.

Ǵalymnyń pikirinshe, bilim berý isindegi pedagogıkalyq quramnyń sapasyn arttyrý máselesi óte kókeıkesti ekendigi Joldaýda anyq kórsetilgen. «Endeshe mektepter men joǵary oqý oryndary oqytýshylarynyń biliktiligin kóterý talaptaryn kúsheıtý qajettiligi kún tártibine shyǵarylyp otyr. Olaı bolsa, Úkimettiń qaýlysymen ashylǵan árbir óńirdegi pedagogıkalyq ınstıtýttardyń atqarar mindetteri burynǵydan da arta túsip, olardyń bilikti kadrlardy daıyndaý jaýapkershiligi tereńdeı túspek. Jalpy, jańa turpatty pedagog mamandar daıyndaýǵa jańa kózqaras qalyptastyrýymyz kerek. Pedagogıkalyq mamandyqtar boıynsha syrttan oqytý júıesin qaıta qaraý kerek ekendigin aıtqymyz keledi»,-deıdi K.Qurmanálıev. Bul suhbat «Aıqyn» basylymynda «Ǵalymdardy qoldaý qadap aıtyldy», degen taqyryppen berilip otyr.

***

«Kazahstanskaıa pravda» basylymynyń jazýynsha, sońǵy 10 jylda elimizdiń bilim berý salasyna bólinetin qarjy kólemi 7 esege artqan. Al bıylǵy jyly bul baǵytqa 1 trıllıon teńge bólingen. ıAǵnı búgin elimizdiń bilim berý salasy eń joǵary degen álemdik standarttarǵa qol jetkizýge múmkindik aldy. «Memleket basshysy da bizdiń aldymyzǵa osyndaı mindet qoıyp otyr. Bilim berý isine osy zamanǵa saı ádis-tásilder men tehnologııalar engizilýde»,-dedi Bilim jáne ǵylym mınıstri Baqytjan Jumaǵulov Ál-Farabı atyndaǵy Qazaq Memlekettik ulttyq ýnıversıtetiniń stýdentteri men pedagogtarymen kezdesýi barysynda. Osy júzdesýde kóterilgen ózge de máseleler jóninde bilgińiz kelse, «Kazahstanskaıa pravda» basylymynyń búgingi sanyndaǵy «Orıentır - na mejdýnarodnye standarty» atty maqalada.