Otandyq IT-mamandar qazaqstandyqtarǵa TJ kezinde qalaı kómektesýde

NUR-SULTAN. QazAqparat - Tótenshe jaǵdaı kezinde otandyq IT-kompanııalar koronavırýstyń taralýyna qarsy áreket etý, memlekettik qyzmetterdi onlaın alý, qashyqtan oqytý jáne basqa da baǵyttarda 50-den astam ázirleme jasap, keıbirin jetildirdi, dep habarlaıdy QazAqparat tilshisi.

QR Tsıfrlyq damý, ınnovatsııalar jáne aeroǵarysh ónerkásibi vıtse-mınıstri Abylaıhan Ospanovtyń aıtýynsha, TJ kezinde kóptegen IT-kompanııalar áleýmettik jaýapkershilik alyp, kómek qolyn sozdy.

«Elimizdegi ІT-qoǵamdastyqtyń ózine áleýmettik jaýapkershilik alǵan sátteri az emes. Áriptester azamattarǵa jańa ómir saltyna beıimdelip, qyzmetterdi qashyqtan alýǵa qajetti túrli ázirlemeler jasaýǵa belsendi qatysty», - dedi A.Ospanov.

Mysaly, ETsQ-ny qashyqtan alý qyzmetin «UAT» AQ BTS Digital kompanııasymen birlesip iske asyrdy. Kompanııa qashyqtan sáıkestendirý servısin tegin usyndy. Búginde 215 myńnan astam qazaqstandyq ETsQ-ny onlaın resimdedi.

Densaýlyq saqtaý salasyna qatysty 15 túrli sheshim bar. Atap aıtqanda, Ulttyq saraptama ortalyǵynda zerthanalyq zertteýler júrgizý protsesi avtomattandyryldy, COVID-19 derekterdi basqarý júıesi quryldy. Smart Astana mobıldik qosymshasynda «Men karantındemin» fýnktsııasy iske qosyldy. Al «eGov mobile»-da COVID-19 testileý úshin saýalnamany toltyrý múmkindigi paıda boldy. Aıta ketý kerek, bul sheshimderdiń basym bóligi tegin jasaldy.

help.coronavirus2020.kz portalyn iske qosý - otandyq aıtıshnıkterdiń jumysynyń nátıjesi. Sonymen birge, ekinshi deńgeıli bankter shotty onlaın ashý qyzmetin shuǵyl túrde usyndy. Blokbeketterden ótý rásimin tezdetý úshin iQala.kz portalynda Qorgan servısi, sondaı-aq júk tasymaldaýshylarǵa beriletin ruqsatty elektrondy tekserý qyzmeti jáne basqalary iske qosyldy.

IT-kompanııalar qazaqstandyqtarǵa bilim berý salasyndaǵy óz ónimderin paıdalanýda birqatar jeńildik usyndy. Mysaly, «BilimmediaGroup» jáne «DarynOnline» platformalary óz servısterin aqysyz rejımge kóshirdi. Platonus kompanııasy 1 shildege deıin eldegi búkil kolledjderdi óz júıesine tegin qosýǵa nıetti. «Órleý» ınnovatsııalyq tehnologııalar ortalyǵy qashyqtan oqytý jáne testileý júıesin tegin usyndy. Otandyq baılanys operatorlary bolsa, barlyq bilim berý resýrstary úshin jumsalǵan trafıkti tarıftemeıtin boldy.