Otandyq taýarlardyń saýda jelilerindegi úlesi qandaı

ASTANA. KAZINFORM — Qazirgi kezde elimizdegi dúken sórelerindegi azyq-túliktiń neshe paıyzy otandyq óndirýshilerge tıesili bolýy kerek? Osy suraqqa QR Saýda jáne ıntegratsııa mınıstrligi jaýap berdi.

- Mınıstrlik otandyq taýarlardyń saýda jelileriniń sórelerine erkin shyǵýyn qamtamasyz etý boıynsha turaqty jumysty atqaryp keledi. Monıtorıng nátıjeleri respýblıka boıynsha otandyq óndiris taýarlarynyń jetkilikti ári joǵary deńgeıde usynylýyn kórsetti. Mysaly, otandyq ónim usynýdyń ortasha kórsetkishi aıran boıynsha 100%, un – 95%, sary maı – 88%, sút boıynsha – 87%, taýyq eti – 80%, kúnbaǵys maıy – 63%, al shujyq ónimderi boıynsha 58 paıyzdy qurady, - delingen mınıstrliktiń Kazinform agenttigine bergen jaýabynda.

Іshki saýda qaǵıdalaryna sáıkes, saýda jelileri men bazarlardyń sórelerinde otandyq taýar óndirýshilerge tıeseli azyq-túlik taýarlarynyń keminde 30 paıyzyn ornalastyrý eskerilgen. Bul taýarlardy adamdarǵa jaqsy kórinetin sórelerde ornalastyrýǵa basymdyq beriledi.

- Memlekettik qoldaýdy alǵan jaǵdaıda, otandyq azyq-túlik taýarlaryn sórelerge ornalastyrý boıynsha saýda obektileriniń 50 paıyzǵa deıin (Іshki saýda qaǵıdalary aıasynda 30% + memlekettik qoldaý qaǵıdalary aıasynda 20%) jáne azyq-túlik emes taýarlardy otandyq taýar óndirýshiler kem degende 20% ornalastyrý boıynsha qarsy mindettemeleri kózdelgen, - dep atalyp ótken vedomstvo aqparatynda.

Eske salsaq, jaqynda Saýda jáne ıntegratsııa mınıstrliginiń keńeıtilgen alqa májilisinde vedomstvo basshysy Arman Shaqqalıev aıtty sórelerdiń keminde 50 paıyzy qazaqstandyq azyq-túlik ónimderimen toltyrylýy tıis ekenin aıtty.

Taýarlarǵa belgilengen shekti ústeme baǵany asyryp qoıǵany úshin byltyr kóshe boıyndaǵy jáne úı janyndaǵy dúkenderge 4,3 myń ákimshilik qaýly shyǵaryldy.