Otandyq óndirýshi Mońǵolııaǵa tehnıka ótkizýge daıyn
ASTANA. KAZINFORM — Premer-Mınıstrdiń orynbasary Serik Jumanǵarın Soltústik Qazaqstan oblysyna jumys sapary aıasynda otandyq óndirýshi «Avagro» JShS qyzmetimen tanysty. Óńirdegi damyǵan agrarlyq sala ekojúıesine mamandandyrylǵan tehnıka óndirisimen aınalysatyn kásiporyndar da kiredi.
«Avagro» zaýytynda 2011 jyldan beri aýyl sharýashylyǵyna arnalǵan búrikkish shyǵarylady. Onyń qýaty — jylyna 600 tehnıka, 2023 jyly óndiris kólemi 4,6 mlrd teńge boldy.
Eńbek ónimdiligin arttyrýǵa múmkindik bar. Ol úshin kompanııaǵa jańa naryqtar qajet.
Kásiporyn dırektorynyń orynbasary Elena Gýbchenko vıtse-premerden ósimdik sharýashylyǵy qazir belsendi damyp jatqan Mońǵolııa naryǵyna shyǵý múmkindigin surady.
Serik Jumanǵarın Saýda jáne ıntegratsııa mınıstrliginiń ókiline óndirýshiniń ónimderin eksporttaý úshin eki eldiń saýda vedomstvolary arasynda baılanys ornatýdy tapsyrdy.
SQO-da qatty irimshik óndirisi jolǵa qoıylady — «Zenchenko ı K» senim seriktestigi sút ónimderin óndirý kólemin ulǵaıtý jáne ónimniń jańa túrin óndirý jelisin retteý úshin sút zaýytyn jańǵyrtady. Kúnine 500-600 keli irimshik óndirýdi josparlap otyr.
Qazaqstanda otandyq irimshikpen qamtamasyz etý kórsetkishi nebári 46%-dy quraıtynyn eskersek, jańa ónim dúken sórelerine úlken suranysqa ıe bolmaq.
Vıtse-premer memleketke mundaı óndiris oryndary qajet ekenin jáne irimshik óndirý jelisin iske qosýǵa qoldaý kórsetiletinin aıtty.
Serik Jumanǵarın SQO Qyzyljar aýdanyndaǵy Peterfeld jáne Zagradovka aýyldary mańyndaǵy egistik alqaptarynda fermerlermen kezdesti. Ol sharýalardy memleket tarapynan qoldaý sharalary týraly habardar etti.
«Biz agrarlyq sektordan el bıýdjetine qomaqty salyq kútpeımiz. Memleket basshysy aıtqandaı, aýyldyń kórkeıýine qamqorlyq jasap, aýyl turǵyndaryn jumyspen qamtamasyz etken, aýylda ómir súrýge jaǵdaı jasap jatqan fermerlerdi árqashan qoldaımyz. Biz óz tarapymyzdan sizderge kóktemgi jáne kúzgi egis jumystary kezinde, tyńaıtqyshtarǵa, ınvestıtsııalyq jobalarǵa, tehnıkaǵa memlekettik qoldaýdyń barlyq sharalaryn kórsetýge daıynbyz jáne onyń kólemin kezeń-kezeńimen jylyna trln teńgege deıin arttyramyz. Eń bastysy, biz qazir memleket tarapynan qoldaýdyń úzdiksiz bolýyn qamtamasyz etý úshin jumys istep jatyrmyz. Sizderdiń tarapyńyzdan jastardy aýylǵa tartý, zamanaýı jumys ádisterin engizý, agronomııany ustaný, otandyq aýylsharýashylyq ǵylymynyń, ásirese tuqym sharýashylyǵynyń jetistikterin paıdalaný úshin adamı kapıtalǵa ınvestıtsııa salýdy kútemiz. Bizdiń tájirıbelik aýylsharýashylyq stansalarymyz qurǵaqshylyqqa tózimdi jáne mol ónim beretin tamasha sıpattamalary bar tuqymdar ázirleıdi. Biz sizdermen birge barlyq týyndaǵan máselelerdi talqylap, sheshýge daıynbyz», — dedi Serik Jumanǵarın sharýalarǵa.
Sharýalardy forvardtyq astyq satyp alý baǵasyn jarııalaýdan bastap, aýyl sharýashylyǵyna jumysshylar daıarlaýǵa deıingi keń aýqymdy máseleler qyzyqtyrdy.
Atap aıtqanda, bir sharýa belgilengen normalardy eskere otyryp, jem-shóp jınaý kezinde arzanyraq dızel astyqpen salystyrǵanda birneshe ese qymbatqa túsetinin atap ótti. Al endi ol dızel otynyn kommertsııalyq baǵamen alýǵa májbúr.
Serik Jumanǵarın Aýyl sharýashylyǵy mınıstrligine bul máseleni astyq jınaý naýqanyna baılanysty jedel shtabqa jetkizýdi tapsyrdy.
Taǵy bir másele — sharýalar iri jobalarǵa «QazAgroQarjynyń» jeńildigi bar qarjysyn jyldar boıy ala almaıdy, al shaǵyn jobalarǵa tez beriledi.
Bul suraqqa qarjy ınstıtýtynyń basqarma tóraǵasy Aıdar Prashev aqparattyq júıede barlyq ótinish berýshiler kezekte turǵanyn jáne berilgen ótinimderge qarajat túsýine qaraı tólenetinin aıtty.
Sondaı-aq jumys sapary sońynda Serik Jumanǵarın «Peterfeld-Agro» JShS jáne «Atameken-Agro-Korneevka» iri taýarly-sút fermalarynda bolyp, jońyshqa ósirý, odan joǵary sapaly túıirshikter shyǵarý jáne «Salar Farm» JShS-niń qyzylsha syǵyndysyn óndirý jobasymen tanysty.
Bul eksportqa baǵyttalǵan Qytaı, Ortalyq Azııa jáne Parsy shyǵanaǵy elderiniń naryqtarynda suranysqa ıe, mal azyǵy ónimi.
Óndiriske nemis jáne golland tehnologııalary qoldanylady. Óndiris qýaty jylyna 57 myń tonnaǵa deıin jetkiziledi dep josparlanǵan.
