Otandyq fılmder shetelde qanshalyqty tanylyp jatyr

ASTANA. KAZINFORM — 2025 jyly otandyq fılmderdiń kınoprokattaǵy úlesi 25 paıyzǵa jetedi. Bul týraly QR Mádenıet jáne aqparat mınıstrliginiń Mádenıet komıtetinen málim etti.

БҚО-да қазақ киносының онкүндігі басталды
Фото: БҚО әкімдігі

- Memleket basshysy Q.K.Toqaevtyń Túrkistanda ótken Ulttyq quryltaıda kınoındýstrııany ekonomıkanyń jeke sektory retinde qarastyrý týraly tapsyrmasyna oraı, sońǵy 2 jylda elimizdegi kınematografııa salasynyń jeke ındýstrııa retinde qalyptasyp kele jatqandyǵyn atap ótkimiz keledi. Atap aıtsaq, 2024 jyly otandyq fılmderdiń jalpy kınoprokattaǵy úlesi 21 paıyzǵa (94 fılm) jetti. 2025 jyly atalǵan kórsetkish 25 paıyzdy quraýy qajet, - delingen Mádenıet komıtetiniń Kazinform agenttigine bergen jaýabynda. 

2024 jyly jeke qarjyǵa túsirilgen «Dástúr», «Prıgovor», «Naýchı menıa jıt», «Lıýbov so vtorogo vzglıada», «Reketır 3» otandyq fılmderi, sondaı-aq 2025 jyly «Patrýl», «Azartnık», «Malaı» fılmderi shet memleketterde kınoprokatqa shyqty.

Munymen qosa, memlekettik qoldaýmen Kıno ortalyǵy arqyly túsirilgen birqatar fılm otandyq kórermenge ǵana emes, sheteldik aýdıtorııaǵa da taraı bastady. Bul baǵytta tsıfrlyq dıstrıbýtsııa men halyqaralyq prokat jumystary júıelenip keledi.

- Búginde kóptegen otandyq fılmder «IVI» jáne «KINOGO» onlaın-kınoteatr platformalarynda ornalastyrylǵan. Atalǵan platformalarda kórermen nazaryna usynylǵan jobalardyń qatarynda «Bokser», «Vremıa patrıotov», «ALGA», «Tyrnalar», «Aqyn», «Obýchenıe Ademokı», «Nartaı», «Kanıkýly offlaın 2», «Leto 1941-go goda», «Dos-Muqasan», «Hırýrg», «Bratıa», «Molochnaıa devochka», «Kenje qyz», «Berkýt», «Stop noch!» syndy fılmder bar. Sonymen qatar otandyq kınotýyndylar «Kınopoısk» onlaın-vıdeoservısinde de keńinen nasıhattalyp keledi. Qazirgi kezde bul platformada 19 fılmnen turatyn arnaıy taqyryptyq sóre jasaqtalǵan. Munda «Patrıottar ýaqyty», «Kanıkýly off-line 2», «Dos-Muqasan», «Qajymuqan», «SHULAMAH», «Aǵaıyndylar», «Dala qasqyry» sekildi mańyzdy taqyryptardy kóteretin fılmder toptastyrylǵan. Bolashaqta bul sóre jańa týyndylarmen tolyqtyrylmaq, - dep atalyp ótken vedomstvo aqparatynda.

Aıta keteıik, otandyq kınonyń halyqaralyq naryqqa shyǵýy da qarqyn alyp otyr. Keıingi jyldary birqatar fılm sheteldik prokatqa tabysty túrde jol tartty. Bul rette:

• «Aqyn / Poet» fılmi 2022 jyly Frantsııada kórsetildi;
• «Vremıa patrıotov» – 2022 jyly Reseı Federatsııasynda, 2024 jyly Latyn Amerıkasy elderinde ekranǵa shyqty;
• «Qara qyz» – 2024 jyly Reseı Federatsııasynda prokatqa shyqty;
• «Qajymuqan» fılmi bıyl Reseı naryǵyna shyǵarylady.

Qazaqstandyq prodıýserlik kompanııalar halyqaralyq onlaın-platformalarmen tyǵyz áriptestik ornatyp, dıstrıbýtsııa jumystaryn júıeli júrgizip keledi. Máselen, «Dala qasqyry» fılmi AQSh, Kanada, Ulybrıtanııa, Germanııa, Frantsııa, Polsha jáne Latyn Amerıkasy elderiniń dıstrıbıýtorlaryna satylyp, Frantsııa men Ulybrıtanııanyń tsıfrlyq platformalar baǵdarlamalaryna endi. Bul jetistikter otandyq kıno óndirisiniń sapalyq turǵyda óskenin jáne halyqaralyq aýdıtorııaǵa qyzyqty bola bastaǵanyn kórsetedi.

Buǵan deıin eldegi kınoteatrlarda prokatqa neshe fılm shyǵarylǵanyn jazǵan edik.

Сейчас читают