Otandyq bıdaıdyń sapasy men túsimi tómendep ketti

 QR Aýyl sharýashylyǵy mınıstri Aıdarbek Saparov bıylǵy egin jınaý naýqanynda qandaı qıyndyqtar bar ekenin aıtyp berdi, dep habarlaıdy Kazinform. 

«Bıyl egin jınaý naýqany qıyn ótip jatyr, 25 kún jańbyr jaýdy. Ónimdilik 6 mln tonnaǵa az boldy», - dedi Aıdarbek Saparov Úkimet kýlýarynda tilshilerge bergen suhbatynda.

Sonymen birge, mınıstr bıdaı sapasynyń tómendegenin aıtty.

«Ótken jyly úshinshi-tórtinshi suryptaǵy astyq shamamen 90% bolsa, qazir elevatorlarǵa ákelý derekteri boıynsha, un jasaýǵa qajetti úshinshi suryp shamamen 35%. Tórtinshi suryp 20% asady, ol da unǵa jaraıdy. Al odan tómeni jem-shópke jiberiledi. Qymbattaýdy kórip otyrǵan joqpyn, kerisinshe, arzandaý baıqalady. Qazirgi ýaqytta fermerler bıdaıdy sata almaı jatyr. Sondyqtan azyq-túlik korporatsııasy baǵany jarııalaıdy. Qazaqstandyqtar qoryqpaýy kerek, astyq jetkilikti», - dedi Aıdarbek Saparov.

Aıta keteıik, Qazaqstanda 11,4 mln tonna bıdaı jınaldy.