Osydan 10 kún buryn joǵalǵan SQO turǵyny áli tabylmady

PETROPAVL. QazAqparat – Soltústik Qazaqstan oblysy Taıynsha aýdanynda polıtseıler, volonterler jáne aýyl turǵyndary 8 mamyrdan beri tabylmaǵan Sergeı Bagınskııdi izdestirip jatyr, dep habarlaıdy QazAqparat tilshisi.

SQO polıtsııa departamenti baspasóz qyzmetiniń málimetinshe, 57 jastaǵy Sergeı Vladımırovıch Bagınskıı Taıynsha aýdany Kellerovka eldi mekeniniń turǵyny. 8 mamyr kúni onyń týystary polıtsııaǵa júginip, habarsyz ketkenin aıtqan.

Іzdeý sharalary nátıje bermegendikten, tártip saqshylary áleýmettik jeli arqyly kómek suraǵan bolatyn. Nátıjesinde izdeý sharalaryna qatysýǵa volonterler, belsendiler, muǵalimder, órt sóndirýshiler, jergilikti ákimdik qyzmetkerleri – barlyǵy 25 adam tilek bildirdi. Olar polıtsııanyń jeke quramymen birge izdeýge shyqty.

«Lider.kz» volonterlik qozǵalysy áleýmettik jelide Sergeı Bagınskııdiń fotosýretin jarııalady. Er adamnyń boıy - shamamen 165 sm, aryqsha kelgen, shashy men murty aǵarǵan. Sol kúni ústinde qara kúrteshe men bas kıim bolǵan.

Jalpy, SQO-da polıtseıler bıyl habarsyz ketken 141 adamǵa izdeý jarııalap, onyń 138-in tapty.

Aıta ketsek, Almatyda egde jastaǵy áıelderdi tonaǵan er adam ustaldy.