Óskemendegi Ertis kópiri kúzde jóndelip bitedi

ÓSKEMEN. QazAqparat - Qalany ekige bólip jatqan Ertis kópirin qaıta qalpyna keltirý jumystary qazan aıynda bitedi. Sonyń arqasynda qazirgi 4 jolaqtyń ornyna 8 jolaq paıda bolady, dep habarlaıdy QazAqparat tilshisi.

1970 salynǵan bul kópir birinshi ret kúrdeli jóndeýden ótip jatyr. Merdiger - «A.Rıazanov atyndaǵy kópir qurylys jasaǵy» JShS.  

«Byltyr bul jobaǵa 1,98 mlrd teńge bólingen bolatyn. Atalmysh qarjyǵa kópirdiń qańqasyn jyljytýǵa arnalǵan qurylymdar daıyndaldy. Bıyl kópir bólikteri montajdalyp, qańqasyn jyljytý jumystary júrgiziledi» - delingen qala ákiminiń baspasóz qyzmetiniń aqparatynda. 

Osydan keıin kópirge asfalt-beton jabyn tóselip, baılanys jáne jylý jelileri kóshiriledi. Kópirdiń eki jaǵalaýdaǵy aınalasyn da estetıkalyq talǵamǵa saı abattandyrý josparlanǵan.