Óskemendegi 1947 jyly salynǵan jylý ortalyǵy kúrdeli jóndeýdi qajet etedi
ShQO ákimdiginiń málimetine súıensek, qazirgi ýaqytta Óskemendegi jylý elektr ortalyǵynda shtattyq kestege sáıkes jóndeý jumystary júrgizilýde.
«Óńirdegi eń iri jylý elektr ortalyǵynda kómir qory jetkilikti. Aldaǵy ýaqytta taǵy da qatty otyn jetkizý jospary ázirlenip, júzege asyrylýda. 1947 jyly salynǵan bul ortalyq kúrdeli jóndeýdi qajet etedi. Kásiporyn basshylyǵy negizgi jabdyqtardy aýystyrý boıynsha ınvestıtsııalyq baǵdarlama usyndy. Bul JEO-nyń tozý deńgeıin 2,5 paıyzǵa tómendetedi. Sondaı-aq № 16 qazandyq agregatyn ornatý josparlanýda», - deıdi oblys ákimi Ermek Kósherbaev.
Onyń aıtýynsha, jylý elektr ortalyǵynyń úzdiksiz ári tıimdi jumysy Óskemen turǵyndary úshin asa mańyzdy.
«Qala jyl saıyn ósýde, turǵyn úı qurylysy qarqyn alyp, tutynýshylar sany da artyp keledi. Sondyqtan basty maqsat - jylý tapshylyǵynyń bolmaýyn qamtamasyz etý. Óskemen qalasynyń ákimine jylý berý maýsymynyń basynda JEO ózine alǵan barlyq mindettemelerdi tolyq kólemde oryndaýy úshin jumys barysyn jiti baqylaýdy tapsyrdym», - deıdi aımaq basshysy.