Óskemende jol jıeginde toqtap turǵan Lada Priora kóligi janyp ketti
ShQO Tótenshe jaǵdaılar departamenti baspasóz qyzmetiniń málimetine súıensek, oqıǵa 30 tamyzda túngi saǵat 01.15 shamasynda Shákárim dańǵylynda bolǵan.
«Jol jıeginde ýaqytsha toqtap turǵan Lada Priora avtokóligi otqa oranǵan. Tilsiz jaý bagajdy, salondy, dońǵalaqtardyń artqy shınalarynyń, aspaptar panelin jáne qozǵaltqysh bóliginiń jartylaı janatyn bólshekterin sharpydy. Oqıǵa ornyna órt sóndirýshiler shuǵyl kelip jetti», - delingen aqparatta.
Kóp uzamaı qyzyl jalyn tolyqtaı aýyzdyqtaldy. Abyroı bolǵanda, zardap shekken eshkim joq. Aldyn ala derek boıynsha órttiń shyǵý sebebi – qaýiptiligi joǵary agregatpen abaısyz jumys atqarýdan bolýy múmkin.
Osy rette, oblystyq TJD mamandary avtokólik ıelerinen órt qaýipsizdigi erejelerin qatań saqtaýdy suraıdy. Kólik salonynda mindetti túrde órt sóndirgish bolýy kerek.
