Óskemende joǵalǵan zeınetker dronnyń kómegimen tabyldy

ÓSKEMEN. KAZINFORM — Óskemen qalasynda joǵalyp ketken 71 jastaǵy zeınetker dronnyń kómegimen tabyldy, dep habarlaıdy QazAqparat tilshisi.

- 12 shilde kúni zeınetkerdiń úıinen shyǵyp ketkeni jóninde habarlama túsken. Birneshe saǵattan keıin onyń nemeresi polıtsııaǵa júginip, ájesiniń joǵalǵanyn jetkizgen. Buǵan deıin týystary óz betterinshe izdegenimen, nátıje bolmaǵan, - dep jazdy basqarmadan.

Habar túsken boıda polıtsııa qyzmetkerleri jedel-izdestirý sharalaryna kiristi.

Іzdeý jumysyna dron tartylyp, áýe arqyly sholý júrgizildi. Dron operatory túsirilgen beınekadrlar arqyly patrýldik toptarǵa naqty koordınattardy jetkizip otyrǵan.

- Nátıjesinde 13 shilde kúni túngi saǵat 01:00 shamasynda zeınetker qalyń shóptiń arasynda júrgen jerinen aman-esen tabyldy. Ol adasyp ketkenin jáne úıge qaıtar joldy taba almaǵanyn aıtqan, - delingen aqparatta.

Qazirgi ýaqytta áıeldiń ómiri men densaýlyǵyna eshqandaı qaýip joq.

Aıta keteıik, izdeý jarııalanǵan adamdardy jasandy ıntellekt anyqtap jatyr.