Óskemende úı almaq bolǵan áıel alaıaqqa 2,5 mln teńge berdi

ÓSKEMEN. QazAqparat – Óskemen qalasynyń turǵyny memlekettik baǵdarlama boıynsha úı alamyn dep alaıaqqa 2,5 mln teńge bergen, dep habarlaıdy QazAqparat tilshisi.

Qalalyq PB Úlbi polıtsııa bólimshesine 35 jastaǵy áıel adam júgingen.

Óz sózinde ol beıtanys jigittiń memlekettik baǵdarlama boıynsha páter satyp alý úshin nesıe rásimdeýge kómek kórsetemin dep áńgimege tartqanyn jetkizdi.

Buǵan sengen áıel onyń qolyna 2 500 000 teńgesin ustatqan. Alaıda aılasyn asyrǵan alaıaq sol ýaqyttan beri esh habarsyz ketti.

- Jedel izdestirý sharalary barysynda krımınaldyq polıtsııa qyzmetkerleri kúdiktiniń kim ekenin anyqtap, ony qolǵa túsirdi. Buryn sottalǵan 25 jastaǵy qala turǵyny qazirgi ýaqytta qolhatpen bosatylǵan, - dep habarlady ShQO Polıtsııa departamentiniń baspasóz qyzmeti.

Qazirgi ýaqytta tártip saqshylary atalǵan fakti boıynsha QR QK-niń 190-baby 1-bóligine (alaıaqtyq) sáıkes sotqa deıingi tergeý amaldaryn júrgizip jatyr.