Óskemende ýnıversıtet mańynan adam máıiti tabyldy

ÓSKEMEN. KAZINFORM – Óskemen qalasynda ýnıversıtet mańynan er adamnyń máıiti tabyldy.

25 jeltoqsan kúni tańerteń Serikbaev kóshesinde ornalasqan ýnıversıtettiń mańaıynda adamnyń máıiti jatqan. Muny baıqaǵan adamdar birden polıtsııaǵa qońyraý shaldy.

- Sol jerge tártip saqshylary shuǵyl kelip jetti. Marqum 45 jas shamasyndaǵy er adam. Onyń denesinen kózge kórinetindeı jaraqattar baıqalǵan joq, - dep habarlady ShQO Polıtsııa departamentiniń baspasóz qyzmetinen.

Qazirgi ýaqytta oqıǵanyń mán-jaıyn anyqtaý úshin tıisti saraptama taǵaıyndalǵan.

- Sotqa deıingi tergeý amaldary júrgizilip jatyr. QR QІJK-niń 201-baby boıynsha ózge aqparat tergeý múddesine sáıkes jarııa etilýge jatpaıdy, - delingen aqparatta.

Eske salsaq, osyǵan deıin ShQO-da mas kúıde kólik tizgindep, polıtseılerge qarsylyq kórsetken depýtat qamalǵany habarlanǵan.