Óskemende Úlbi kópirinen aqaý shyqty
ÓSKEMEN. KAZINFORM – Óskemenniń mańyzdy kólik nasandarynyń biri – Úlbi kópirinen aqaý shyqty. Kópirdiń biriktirilgen jeri búlingen.
Injenerlik qurylǵy kóliktiń kóp júrýinen bolǵan, dep habarlady kópirge qyzmet kórsetýshi «Taza Óskemen» kompanııasynyń ókilderi.
Kólikter ótip jatqan kezde kópirden temirlerdiń úıkelgen dybysy shyǵatyn. Ony júrgizýshiler de baıqaǵan.
-Kólikter kópirden ótken saıyn dóńgelekteri birdeńe tıip jatqan sııaqty qatty dybys shyǵatyn. Óz kezeginde ol eldiń alańdaýshylyǵyn týdyrdy,-deıdi Óskemen turǵyny.
-Biz jedel túrde aqaýdy anyqtap, tozǵan bólikterin alyp tastadyq, sektsııany qaıtadan ornyna ornalastyrdyq. Qazir kópirden ótken kezde eshqandaı dybys shyqpaıdy, ıaǵnı ol qaýipsiz,-dep naqtylady «Taza Óskemen» ókilderi.
Osyǵan deıin ShQO-da aýyl halqyna qaýip tóndirgen Glýbochanka ózeniniń arnasy tereńdetilip jatqany týraly jazdyq.