Óskemende sý men káriz qyzmetiniń baǵasy ózgerdi

ÓSKEMEN. KAZINFORM — Óskemen qalasynda sý men káriz qyzmetiniń baǵasy qymbattady. «Óskemen Vodokanal» kásipornynyń málimetine súıensek, bıyl qosylǵan qun salyǵynyń ósýine baılanysty sý jáne káriz qyzmetteri de qymbattady.

— Byltyr páterinde eseptegish quraldary bar turǵyndar úshin sý quny (QQS-ty qosa eseptegende) bir tekshe metrine 98,62 teńge, al káriz qyzmeti úshin 113,28 teńge boldy. Endi eseptegishteri bar tutynýshylar úshin tólem mólsheri artty. Naqty aıtqanda, sý úshin — bir tekshe metrine 102,14 teńge, káriz qyzmeti úshin — bir tekshe metrine 117,32 teńge, — delingen aqparatta. 

Al eseptegish quraldary joq turǵyndar buryn bir adamǵa aı saıyn sý úshin 749,89 teńge, káriz úshin 1 223,15 teńge tólegen.

— Endi eseptegishteri joq azamattar bir adamǵa aı saıyn sý úshin 776,67 teńge, káriz qyzmeti úshin 1 266,84 teńge tóleıdi, — delingen habarlamada.

Eske salsaq, osyǵan deıin Óskemende jylý baǵasy ózgergeni jaıly jazǵanbyz.