Óskemende ıpoteka rásimdeýge kómektesemin dep jurtty aldaǵan alaıaq ustaldy

ÓSKEMEN. QazAqparat – Óskemen qalasynyń turǵyndaryna ıpoteka rásimdeýge kómektesemin dep aldap, 17,5 mln teńge paıda kórgen alaıaq ustaldy, dep habarlaıdy QazAqparat tilshisi.

ShQO Polıtsııa departamenti baspasóz qyzmetiniń málimetine súıensek, alaıaq Óskemen turǵyndaryna ıpoteka rásimdeýge kómektesetindigin aıtyp sendirgen. 5 adamdy tuzaqqa túsirgen ol 17,5 mln teńge paıda kórgen.

«Katonqaraǵaı aýdanynyń 25 jastaǵy turǵyny qylmystyq áreketiniń ár qadamyn oılastyryp alǵan. Aldymen azamattardyń senimine kirip, sodan keıin aldyn ala tólem jasaýdy suraǵan. Aqshany alǵannan keıin jábirlenýshilerdiń telefon nómirlerin buǵattap tastap otyrdy», - delingen aqparatta.

Jedel-izdestirý sharalaryn júrgizý kezinde kúdikti ustaldy. Tergeý barysynda tártip saqshylary onyń jyljymaıtyn múlik salasyna eshqandaı qatysy joq ekenin anyqtady.

Qazirgi ýaqytta QR QK-niń 190-baby 3-bóligine sáıkes sotqa deıingi tergeý amaldary júrgizilýde. Sondaı-aq ustalǵan adamnyń basqa da osyndaı qylmystarǵa qatysy bar-joǵy anyqtalýda.