Óskemende besqabatty úıdiń shatyry otqa orandy: 45 adam evakýatsııalandy

ÓSKEMEN. KAZINFORM – Óskemen qalasynda shatyry órtengen kópqabatty úıden 45 adam evakýatsııalandy. 

ShQO Tótenshe jaǵdaılar departamenti baspasóz qyzmetiniń málimetine súıensek, 23 shilde kúni túski ýaqytta Nazarbaev kóshesindegi 5 qabatty úıdiń úıdiń shatyrynda órt shyqty. Oqıǵa ornyna qutqarýshylar shuǵyl kelip jetti.

— Tilsiz jaýmen kúreske jeke quramnan Z9 adam jáne 14 tehnıka jumyldyryldy. Úıden barlyǵy 45 adam, onyń ishinde 7 bala evakýatsııalandy. Zardap shekken eshkim joq, — dep habarlady vedomstvo ókilderi.

Turǵyn úıdegi órtti sóndirý úshin avtomatty ıindi kótergish jumyldyryldy. Sonyń kómegimen órt sóndirýshilerge sý úzdiksiz berilip otyrdy.

Ázirge órttiń naqty neden shyqqany belgisiz.

Eske salsaq, osyǵan deıin Astanada úsh qabatty ǵımarat órtke oranǵany habarlanǵan.