Óskemende alyp bala dúnıege keldi
ÓSKEMEN. KAZINFORM – Óskemen qalasynda salmaǵy 5 keliden asqan ul bala dúnıege keldi.
Alyp balanyń kindigi qaladaǵy Ana men bala ortalyǵynda kesildi. Anasy Aınur Ańǵybaevany júktiliktiń barlyq kezeńinde áıelder konsýltatsııasy men bosandyrý bólimshesiniń mamandary baqylap otyrǵan.
Shaqalaqtyń salmaǵy - 5035. Bul sırek kezdesetin jaǵdaı. Balanyń deni saý. Anasy kesar tiligi arqyly bosandy.
- Aınurdyń bul ekinshi balasy. Tuńǵyshyn 2022 jyly týǵan. Ol da alyp bala boldy. Salmaǵy - 5058 keli. Osyndaı náresteni bosandyrý - bul árdaıym dárigerler tarapynan joǵary baqylaý men kásibılikti talap etedi. Bul jaǵdaıda aq halattylardyń úılesimdi jumysynyń jáne ananyń zor rýhynyń arqasynda bári oıdaǵydaı ótti, - deıdi bosandyrý bóliminiń meńgerýshisi Saltanat Serikqanqyzy.
Qazir ana men balanyń jaǵdaı jaqsy.
- Barlyq medıtsına qyzmetkerlerine úlken alǵysymdy bildirgim keledi. Deni saý batyr dúnıege keldi. Qýanyshymda shek joq!, - deıdi Aınur Ańǵybaeva.
Eske salsaq, buǵan deıin Tarbaǵataıda alyp qyz bala dúnıege kelgen bolatyn.