Óskemende ákimdik ǵımaratynyń áınegin shaǵyp, shý shyǵarǵan adam ustaldy
Óskemende búgin ákimdik ǵımaratyna kelgen er adamnyń baıbalam salǵany týraly vıdeo áleýmettik jelilerde tarap ketken.
Ákimdik qyzmetkerleriniń málimetinshe, bul – múmkindigi shekteýli azamat. Ol memlekettik turǵyn úı qorynan jekeshelendirý quqyǵymen berilgen páterde turady.
«Aı saıyn baspana úshin tek 2065 teńge tóleıdi. Jumyspen qamtý ortalyǵy oǵan tósek pen tamaq pisiretin pesh alyp bergen. Osy jyldyń tamyz aıynda óz ótinishi boıynsha 76 500 teńge jalaqyǵa qoǵamdyq jumystarǵa jiberilgen», - delingen aqparatta.
Ákimdik ǵımaratyna kelgen azamat shý shyǵaryp, ondaǵy qyzmetkerlerdi bylapyt sózdiń astyna alǵan.
ShQO Polıtsııa departamenti baspasóz qyzmetiniń habarlaýynsha, qazirgi ýaqytta atalǵan fakti boıynsha QR Qylmystyq kodeksiniń 378-baby 1-bóligine (Bılik ókilin qorlaý) sáıkes sotqa deıingi tergeý júrgizilýde. Sondaı-aq ÁQBtK-niń 434-baby 1-bóligi (Usaq buzaqylyq) boıynsha ákimshilik is qozǵalǵan.
