Óskemende 4 jasar bala tórtinshi qabattan qulap ketti

ÓSKEMEN. KAZINFORM – Óskemen qalasynda tórtinshi qabattyń terezesinen qulap ketken búldirshin aýrýhanaǵa jetkizildi. 

Oqıǵa Jibek matalar kombıtaty yqsham aýdanyndaǵy Kókjal Baraq kóshesinde bolǵan. Úıde qaraýsyz qalǵan 4 jasar qyz terezeden qulap ketti. Búldirshin túrli dene jaraqattarmen aýrýhanaǵa jetkizilgen.

– Bala áýeli jansaqtaý bólimine jatqyzyldy. Qazir onyń jaǵdaıy ortasha aýyr dep baǵalanǵan. Ana men bala ortalyǵynyń dárigerleri qajetti em-domyn jasap jatyr, - dep habarlady ShQO Densaýlyq saqtaý basqarmasynan.

Oblystyq Tótenshe jaǵdaılar departamenti baspasóz qyzmetiniń málimetinshe, jyl basynan beri óńir boıynsha 7 bala terezeden qulap ketken. 

Eske salsaq, osyǵan deıin Óskemende tereze jýamyn dep besinshi qabattan qulaǵan áje kóz jumǵany habarlanǵan.