Óskemende 36 kópqabatty úı apatty jaǵdaıda tur

ÓSKEMEN. KAZINFORM – Óskemen qalasynda 36 kópqabatty turǵyn úı apatty jaǵdaıda tur.

Qalalyq turǵyn úı qatynastary bóliminiń málimetinshe, búginde Óskemende 1825 kópqabatty turǵyn úı bar. Olardyń basym bóligi paneldi jáne kirpishten salynǵan úıler.

Tozyǵy jetken dep tanylǵan úılerdiń sany - 10. Bul úılerge kúrdeli jóndeý júrgizilýi qajet.

Al 36 úı apatty jaǵdaıda dep tanylǵan. Olar súrilýi tıis. Negizinen bul 1938-1950 jyldary salynǵan úıler.

- Apatty turǵyn úı máselesin sheshý maqsatynda Óskemen qalasynyń turǵyn úı qoryn jańǵyrtýǵa arnalǵan 2024-2029 jyldardy qamtıtyn renovatsııa baǵdarlamasy ázirlengen. Baǵdarlama 2024 jylǵy 4 mamyrda qala ákiminiń qaýlysymen bekitilgen. Bıýdjetten qarajat bólingen jaǵdaıda, baǵdarlama aıasynda apatty úılerdiń menshik ıelerin jańa turǵyn úımen qamtamasyz etý josparlanyp otyr, - dedi bólim basshysy Aıbek Salbanov.

Eske salsaq, osyǵan deıin Aqtóbede sot otyrysyna qatysýshylar daý týdyrǵan kópqabatty ǵımaratty aralaǵany habarlanǵan.