Óskemende 2 jasar bala besinshi qabattan qulap ketti
ÓSKEMEN. KAZINFORM – Óskemen qalasynda qaraýsyz qalǵan 2 jasar bala besinshi qabattyń terezesinen qulap ketti.
ShQO Tótenshe jaǵdaılar departamenti baspasóz qyzmetiniń málimetine súıensek, oqıǵa qaladaǵy Serikbaev kóshesinde bolǵan. Besinshi qabattaǵy páterdiń terezesinen eki jasar bala qulap ketti. Anasy sol kezde úıde bolǵan.
«Áıel adamnyń aıtýynsha, ol balasynyń az ýakyt ishinde tereze aldyna qalaı shyǵyp alǵanyn túsinbeı de qalǵan. Moskıt toryna súıenip turǵan búldirshin qulap ketti. Qazirgi ýaqytta bala medıtsınalyq mekemege jatqyzyldy», - dep habarlady vedomstvo ókilderi.
Osy rette, TJD qyzmetkerleri balalardyń terezeden qulaýyn boldyrmaý úshin otbasylarǵa moskıt torlardy ornatpaýǵa keńes berdi. Sebebi mundaı tor búldirshinderdi qulap ketýden múlde qorǵamaıdy. Kerisinshe, moskıt tor qaıǵyly jaǵdaıǵa yqpal etedi. Óıtkeni bala ózin qaýipsiz sezinip, terezege jaqyndap oǵan súıenedi. Esh ýaqytta balany qaraýsyz qaldyrmaý qajet.
