Óskemendi tuman tumshalap turǵanǵa erteń 2 apta bolady

ÓSKEMEN. KAZINFORM — Óskemen qalasyn tútin tumshalap turǵanyna 1 naýryz kúni tup-týra 2 apta bolady. 

Keshe qaladaǵy qolaısyz meteorologııalyq jaǵdaı qalyptasqanyna (QMJ) 12 kún boldy. Jelsiz kún búgin de jalǵasty. 

«Qazgıdromet» RMK málimetine súıensek, 28 aqpan saǵat 20.00-den bastap 1 naýryz saǵat 20.00-ge deıin Óskemende ekinshi dárejeli QMJ saqtalady. Demek, qalany tútin basyp turǵanyna erteń 2 apta bolmaq.

Osy ýaqyt aralyǵynda qaladaǵy mektep oqýshylary birde-bir ret onlaın formatqa aýystyrylmady. Bunyń sebebin «Óskemen tynysy» ekologııalyq bıýrosy jobalyq keńsesiniń jetekshisi Elena Berezınskaıa-Abılova túsindirgen bolatyn. 

Eske salsaq, buǵan deıin Óskemende aýa sapasyn baqylaıtyn 25 beket ornatylatyndyǵyn jazǵanbyz.