Óskemen turǵyny sporttyq jabdyq almaq bolyp, alaıaqqa 10 mln teńge bergen

ÓSKEMEN. QazAqparat – Óskemen qalasynyń turǵyny sporttyq jabdyqtar alýǵa kómektesetindigin aıtqan alaıaqqa 10 mln teńge bergen, dep habarlaıdy QazAqparat tilshisi.

ShQO polıtsııa departamenti baspasóz qyzmetiniń málimetine súıensek, tártip saqshylaryna jergilikti kásipkerlerdiń biri júgingen. Óz sózinde ol sporttyq jabdyqtar alýǵa kómektesetindigin aıtqan beıtanys jigitke 10 mıllıon teńge bergenin jetkizdi.

«Aqsha qolyna tıgen soń alaıaq múlde habar-osharsyz ketken. Aryz túsken soń polıtsııa qyzmetkerleri jedel-izdestirý sharalaryn qolǵa aldy. Sonyń nátıjesinde 25 jastaǵy kúdikti ustaldy. Jaýap alý kezinde er adam óz kinásin tolyqtaı moıyndap, aqshany óz qajettilikterine jumsap tastaǵanyn aıtty», - delingen aqparatta.

Qazirgi ýaqytta atalǵan fakti boıynsha QR QK-niń 190-baby 3-bóligine (Alaıaqtyq) sáıkes sotqa deıingi tergeý amaldary júrgizilýde.

Eske salsaq, osyǵan deıin avtokólik almaq bolǵan óskemendiktiń alaıaqqa 2,6 mln teńge bergenin habarlaǵan edik.