Óskemen turǵyny kólik alamyn dep alaıaqqa 1,5 mln teńge bergen

ÓSKEMEN. QazAqparat – Óskemen qalasynyń turǵyny kólik alamyn dep alaıaqqa 1,5 mln teńge bergen, dep habarlaıdy QazAqparat tilshisi.

Qalalyq PB Sol jaǵalaý polıtsııa bólimine 45 jastaǵy jergilikti turǵyn júgindi. Óz sózinde ol sáýir aıynyń ortasynda «VAZ» markaly avtokóligin satatyndyǵyn aıtqan belgisiz er adamǵa 1 500 000 teńge bergenin jetkizdi. Alaıda aqsha qolyna tıgen soń alaıaq habar-osharsyz ketken.

«Jedel-izdestirý is-sharalaryn júrgizgen tártip saqshylary kúdiktini ustady. Jaýap alý kezinde 31 jastaǵy Óskemen turǵyny óz kinásin moıyndady. Qazirgi ýaqytta ol qolhatpen bosatylǵan», - dep habarlady ShQO polıtsııa departamentiniń baspasóz qyzmeti.

Tártip saqshylary atalǵan fakti boıynsha QR QK-niń 190-baby 1-bóligine sáıkes sotqa deıingi tergeý amaldaryn júrgizýde.