Óskemen turǵyndary aıazda qoǵamdyq kóliktiń tym sırek qatynaıtyndyǵyna narazy
Óskemen qalasynyń turǵyndary ShQO ákimi Ermek Kósherbaevqa avtobýstardyń tym sırek qatynaıtyndyǵyna narazylyq bildirdi, dep habarlaıdy Kazinform.
Óskemendikter aıaldamalarda avtobýstardy tym uzaq kútetindigin aıtýda. Bul ásirese qys túsip, kún sýytqan saıyn turǵyndarǵa qolaısyzdyq keltirýde. Osy máselege oraı Shyǵys Qazaqstan oblysynyń ákimi Ermek Kósherbaev jaýap berdi.
«Maǵan avtobýstardyń ýaqytyly júrmeıtindigine qatysty kóptegen aryz-shaǵym kelip túsýde. Bıýdjetten tasymaldaýshylarǵa turaqty qoldaý kórsetilýde jáne kólikti jańartý úshin sýbsıdııalar bólinýde. 2023 jyly jolaýshylar tasymalymen aınalysatyn kompanııalar 42 avtobýs satyp aldy. Olarǵa 2021 jylmen salystyrǵanda 4 ese ósimmen 4,1 mlrd teńge sýbsıdııa tólendi. Kelesi jyly 4 mlrd teńge mólsherinde sýbsıdııa tóleý kózdelgen», - dedi ol.
Ermek Kósherbaevtyń aıtýynsha, tasymaldaýshylar taǵy 53 jańa avtobýs satyp alýdy josparlap otyr.
«Óskemen qalasynyń ákimi Jaqsylyq Omarǵa bul máseleni erekshe baqylaýǵa alyp, barlyq baǵytta qyzmet kórsetý sapasy men qozǵalys júıeliligin retteýdi tapsyramyn, - dedi oblys ákimi.
