Óskemen qalasy ákiminiń orynbasary taǵaıyndaldy

ÓSKEMEN. KAZINFORM — Óskemen qalasy ákiminiń orynbasary bolyp Maqsat Shakırov taǵaıyndaldy.

Maqsat Asanuly — 1986 jyly 24 qyrkúıekte Abaı oblysy Aıagóz aýdany Aıagóz qalasynda týǵan.

S.Amanjolov atyndaǵy Shyǵys Qazaqstan ýnıversıtetin «Esep jáne aýdıt», «Quqyqtaný» mamandyqtary boıynsha jáne D. Serikbaev atyndaǵy Shyǵys Qazaqstan tehnıkalyq ýnıversıtetin «Qurylys» mamandyǵy boıynsha bitirgen.

Eńbek jolyn bank salasynda bastap, keıin jeke kásipkerlikpen aınalysqan.

— Maksat Asanuly bıznes qurylymdarynda tabysty qyzmet atqardy. Óskemen qalasynda birqatar kompanııalardy basqarǵan, qarjy, ekonomıka jáne qurylys salalarynda mol tájirıbe jınaqtaǵan bilikti maman. Onyń ár saladaǵy qyzmet tájirıbesi qalanyń ekonomıkalyq damýyn jańa satyǵa jeteleıtinine senimdimin, — dedi Óskemen qalasynyń ákimi Almat Aqyshov.

Eske salsaq, osyǵan deıin Almaty oblysy boıynsha ekologııa departamentiniń basshysy taǵaıyndalǵany habarlanǵan.