Osy aptada Prezıdenttiń qatysýymen qandaı sharalar ótedi

ASTANA. KAZINFORM — Aqorda osy aptada Prezıdent Qasym-Jomart Toqaevtyń qatysýymen qandaı sharalar ótetininin habarlady. 

• 28-29 mamyr kúnderi Qazaqstanǵa Rýanda Prezıdenti Pol Kagame resmı saparmen keledi. Sapar aıasynda ekijaqty yntymaqtastyqty damytý perspektıvasy talqylanyp, birqatar qujatqa qol qoıylady.
• 28 mamyrda Germanııa Federatıvtik Respýblıkasy Býndesratynyń Tóraǵasy Anke Relıngermen kezdesý ótedi.
• 28-29 mamyr kúnderi Soltústik Makedonııa Prezıdenti Gordana Sılıanovskaıa-Davkova jumys saparymen keledi.
• 28-29 mamyrda Astanaǵa Horvatııa Premer-mınıstri Andreı Plenkovıch jumys saparymen keledi. 
• 29 mamyr kúni Prezıdent Qasym-Jomart Toqaev Astana halyqaralyq forýmyna (AIF) qatysady jáne resmı delegatsııa jetekshilerimen, sondaı-aq halyqaralyq uıymdar men kompanııalar basshylarymen birqatar kezdesý ótkizedi.
• 30 mamyrda elimizge Italııa Premer-mınıstri Djordja Melonı resmı saparmen keledi. Sol kúni aımaqtaǵy memleketter basshylarynyń qatysýymen birinshi «Ortalyq Azııa – Italııa» sammıti ótedi.
• 31 mamyrda Prezıdent Saıası qýǵyn-súrgin jáne asharshylyq qurbandaryn eske alý kúnine arnalǵan is-sharaǵa qatysady.

Buǵan deıin habarlanǵandaı, Prezıdent ulttyq qaýipsizdik organdary qyzmetiniń baǵyttary boıynsha birqatar tapsyrma berdi.