Osy aptada Prezıdentke Konstıtýtsııanyń qorytyndy mátini usynylýy múmkin

ASTANA. KAZINFORM — Osy aptada Prezıdentke Konstıtýtsııanyń qorytyndy mátini usynylýy múmkin. Bul týraly Májilis depýtaty, Konstıtýtsııalyq reformalar jónindegi komıssııanyń múshesi Aıdos Sarym aıtty. 

— Menińshe, osy aptada Prezıdentke qorytyndy mátindi usynamyz. Búgin Konstıtýtsııalyq komıssııanyń otyrysy ótedi. Búgin barlyq usynysymyzdy jáne olar zańnyń, Konstıtýtsııanyń birtutas júıesine qalaı úıleskenin qarastyratyn bolamyz. Soǵan oraı taǵy qaı jerlerin túzetýge bolatynyn oılastyramyz. Erteń de otyrys bolady. Búgingi usynystardy, olardyń qalaı, qanshalyqty naqty ári sátti aýdarylǵanyn pysyqtaımyz, — dedi Aıdos Sarym Májilistiń jalpy otyrysynan keıin BAQ ókilderiniń saýalyna oraı.

Aıta keteıik, búgin Konstıtýtsııalyq reformalar jónindegi komıssııasynyń 4-otyrysy ótedi.