Osy aptada kınoteatrlarda: jańa kınopremeralar

ASTANA. KAZINFORM — Osy aptada Qazaqstan kınoteatrlarynda ár janrdy qamtyǵan jańa fılmder kórermenge jol tartty. Kınoprokatta otandyq dramalarmen qatar, shytyrman oqıǵaǵa toly trıllerler, qorqynyshty fılmder, anımatsııalyq týyndylar men mýzykalyq jobalar usynylyp otyr. 

Kazinform tilshisiniń sholýynda osy aptadaǵy kınopremeralardy usynamyz.

PANA (Ýbejışe) 7.9⭐

Uzaqtyǵy: 107 mınýt
Eli: AQSh, Ulybrıtanııa, 2026
Rejısseri: Rık Roman Vo

Daýyldan keıin tynysh ómir keship júrgen araldaǵy tuıyq jannyń taǵdyry kútpegen jerden kúrt ózgeredi. Ol qutqarǵan qyzǵa qaýip tónedi, al keıipkerdiń ózi uzaq jyldar boıy jasyryp kelgen ótken ómirimen qaıta betpe-bet keledi. Ekeýi tabıǵattyń qatal jaǵdaıy men olardy qýǵan adamdardan qashýǵa májbúr bolady. Bul qashý — aman qalý úshin jasalǵan sońǵy áreket.

QARǴYS. REINKARNATsIıA RÁSІMІ (Zaklıatıe. Obrıad reınkarnatsıı) 5.0⭐

Uzaqtyǵy: 96 mınýt
Eli: Kanada, AQSh, 2025
Rejısseri: Djýlııa Maks

Otaǵasy qaıtys bolǵan soń anasy men qyzynyń arasy alshaqtaı túsedi. Kúıeýin qaıta tiriltýdi oılaǵan áıel beıtanys, kúmándi adamnyń kómegine júginedi. Alaıda jasalǵan rásim baqylaýdan shyǵyp, ekeýiniń de ómirine qaýipti tylsym kúshter aralasady. Endi olar sol qaýippen betpe-bet kúresýge májbúr.

LEVShA 2.3⭐

Uzaqtyǵy: 117 mınýt
Eli: Reseı, 2026
Rejısseri: Vladımır Besedın

XIX ǵasyrdyń sońy. Reseı men Ulybrıtanııa arasyndaǵy soǵys qaýpi kúsheıip turǵan tusta ımperator saraıynan jumbaq qurylǵy — mehanıkalyq búrge tabylyp, el ishinde kúdik pen alań týǵyzady. Oqıǵanyń mán-jaıyn anyqtaý jas ofıtser Petr Ogarevke tapsyrylǵan.

Ol ımperator Aleksandr III-tiń senimine kirýdi qalaıdy.

Shyndyqqa jetý jolynda Petr taǵdyry umyt qalǵan, biraq talanty teńdessiz týlalyq sheber Levshamen kúsh biriktiredi. Ekeýi saraı ishindegi aıla-sharǵy men qaýipke toly álemge bet burady. Astyrtyn áreketti áshkereleý úshin keıipkerlerge júıege qarsy turyp, otbasy qupııalaryn ashyp, paryz ben jeke sezim arasyndaǵy aýyr tańdaý jasaýǵa týra keledi. Bul joly qaýip tek olardyń taǵdyryna emes, búkil elge tónedi.

ǴAShYQPYN SAǴAN 8.9⭐

Uzaqtyǵy: 98 mınýt
Eli: Qazaqstan, 2026
Rejısseri: Dýman Erkimbek

Eńlik — bilim alý úshin Almatyǵa kelgen stýdent qyz. Otbasyna qolǵabys tıgizý úshin ol óz armanynan ýaqytsha bas tartyp, jumys izdeýge májbúr bolady. Kútpegen jaǵdaıdan keıin Eńlik ýnıversıtetten shyǵarylyp, bul shyndyqty anasynan jasyryp qalady.

Sol túni ol Arman esimdi jas jigitpen tanysady. Arman óner jolyn tańdaǵan, mýzykamen ómir súretin jan. Birge eńbek ete júrip, ekeýiniń arasy jaqyndaı túsedi, al qarapaıym dostyq birtindep mahabbatqa ulasady. Alaıda alyp qala olardyń armanyn da, sezimin de synǵa salyp, ómirlik mańyzdy tańdaý jasaýǵa ıtermeleıdi.

TASTAMAShY, ANA! 9.4⭐

Uzaqtyǵy: 104 mınýt
Eli: Qazaqstan, 2026
Rejısseri: Rabıǵa Ábilpatta

Baýyrlarymen birge balalar úıine túsken Іlııas úıine qaıta oralý úshin baryn salady, biraq qatal tártip pen qalyptasqan júıeden qutylý ońaı bolmaıtynyn túsingen soń, ol júıemen kúresýge bel býady.

MUŃLY BALYQ. SÝ ASTYNDAǴY ShYTYRMAN OQIǴA (Rybka Ýnyvaka. Podvodnoe prıklıýchenıe) 5.2⭐

Uzaqtyǵy: 92 mınýt
Eli: AQSh, Avstralııa, 2026
Rejısserleri: Rıkard Kýsso, Rıo Herrıngton

Tuıyq minezdi Myrza Balyq kóbine qabaǵy qatýly júretindikten, teńiz turǵyndary ony «Muńly Balyq» dep atap ketken. Bir kúni onyń úıi qırap, teńiz atbasy Pıpanyń shaǵyn mekenine qulap túsedi. Sol sátte Pıpa ony tilekterdi oryndaıdy degen ańyzdaǵy balyq — Mertsashkany izdeýge birge attanýǵa kóndiredi.

Jol ústinde olar bul keremet balyqty izdep júrgen ózge de teńiz turǵyndary bar ekenin biledi. Árqaısysy óz armanyn oryndaýdy qalaıdy. Alaıda Mertsashka kóp jylda bar bolǵany bir ǵana tilekti oryndaı alady. Al endi sol tilektiń kimge buıyrary — úlken syn.

KINODAǴY KOPTAR (Kopy v kıno) 7.8⭐

Uzaqtyǵy: 90 mınýt
Eli: Qazaqstan, 2025
Rejısseri: Kishi Valerıı Zadarnovskıı

Polıtsııadaǵy áriptester Tokıo men Ambal shetelden ekstradıtsııalanǵan danyshpan matematık Suńqardyń izine túsedi. Shyndyqty ashý úshin olar qylmystyq qupııalar men otbasylyq dramalarǵa tap bolady. Aldyna shyqqan qaýip-qater Tokıo men Ambaldy bárin táýekelge tigýge májbúrleıdi: jazyqsyz jandardy qorǵap qalý úshin ǵana emes, óz ómirlerine de basqasha kózben qaraý úshin.

STRAY KIDS: THE DOMINATE EXPERIENCE 9.6⭐

Uzaqtyǵy: 146 mınýt
Eli: Ońtústik Koreıa, 2025
Rejısserleri: Fara Halıd, Pol Dagdeıl

Fılm K-pop janryndaǵy áıgili Stray Kids tobynyń Los-Andjelestegi SoFi Stadium stadıonynda ótken aýqymdy kontsertine arnalǵan. Týyndyda «dominATE» álemdik týry aıasyndaǵy sahnalyq qoıylymdar men sahna syrtyndaǵy eksklıýzıvti kadrlar toǵysady. Kórermender toptyń qýatty energııasyn, shyǵarmashylyq jolyn jáne kontsert aldyndaǵy daıyndyq sátterin jaqynnan tamashalaı alady.

YSQYRYQ (Svıst) 4.6⭐

Uzaqtyǵy: 97 mınýt
Eli: Kanada, Irlandııa, 2025
Rejısseri: Korın Hardı

Joǵary synyp oqýshylarynan quralǵan bir top bala ejelgi atstekterge tıesili ólim ysqyryǵyn taýyp alady. Alaıda onyń jan túrshigerlik úni qorqynyshty kúshti oıatyp, ózderine ajal shaqyratynyn olar birden ańǵarmaıdy. Qurbandar sany artqan saıyn, jasóspirimder bul tylsym jádigerdiń tarıhyn zerttep, óz qoldarymen bastalǵan qasiretti tizbekti toqtatýǵa tyrysady. Biraq árbir kesh qalǵan qadam jańa qaýipke jol ashady.

BІR TÚP ALMA AǴAShY 4.7⭐

Uzaqtyǵy: 107 mınýt
Eli: Qazaqstan, 2026
Rejısseri: Marat Teleýov

Bul fılm — anasynyń týǵan kúnine jınalǵan eresek apaly-sińililer týraly psıhologııalyq drama. Jyly júzdesý men otbasylyq birliktiń ornyna, bas qosý ótken renishten týǵan janjalǵa ulasady. Ásirese naýqas baýyry men jalǵyz qalǵan anasyna degen salqyn kózqaras otbasyndaǵy jarany tereńdete túsedi.

Týyndyda materıaldyq qundylyqtar men ózimshildik týystyq baılanysty qalaı álsiretip, adam boıyndaǵy meıirim men janashyrlyqty qalaı joıyp jiberetini kórsetiledi. Osyndaı qatygez nemquraılylyq aqyr sońynda aýyr tragedııaǵa alyp keledi: otbasynyń sýyqtyǵynan ábden tıtyqtaǵan aǵaıyndylardyń biri óz ómirin qııýǵa barady.

Ótken aptadaǵy kınopremeralar tizimin osy jerden kóre alasyzdar.