18:53, 21 Mamyr 2024 | GMT +6
Osy aptada 186 myń túlek mekteppen qoshtasady
ASTANA. KAZINFORM — Elimizde bıylǵy oqý jylyn 3,8 mln bala aıaqtaǵaly otyr. Bul jaıynda Oqý-aǵartý mınıstrliginen habarlandy.
Úkimet basshysy Oljas Bektenovtiń tapsyrmasyna sáıkes, TJ-ǵa baılanysty Atyraý, Aqtóbe, Soltústik Qazaqstan oblystarynan 3,5 myńnan astam bala aralyq jáne qorytyndy emtıhannan bosatylady.
Bilim alýdaǵy olqylyqtardyń ornyn toltyrý úshin sý tasqynynan zardap shekken óńirlerden 832 myń oqýshyǵa arnap «Jazǵy mektep» uıymdastyrylady.
Premer-Mınıstr jazǵy demalys bastalmas buryn balalardy jazǵy demalyspen jáne eńbekke baýlýdy, aýyl balalarynyń bos ýaqytyna erekshe nazar aýdarýdy tapsyrdy.
Densaýlyq saqtaý mınıstrligi ruqsat qujaty joq jazǵy saýyqtyrý uıymdarynyń jumys isteýine jol bermeýge tıis.
