Orynborda Kárim Másimov shekara mańy yntymaqtastyǵy máselelerin talqylady
Qazaqstan - Orynbor oblysynyń asa mańyzdy strategııalyq seriktesi bolyp tabylady, oǵan atap aıtqanda aımaqtyń geografııalyq ornalasýy negiz bolyp otyr. Shekara mańy yntymaqtastyǵyn damytýdyń problemalyq máseleleri men perspektıvalary Qazaqstan Premer-Mınıstri Kárim Másimovtiń Orynbor oblysynyń gýbernatory ıÝrıı Bergpen kezdesýi barysynda talqylaý taqyrybyna aınaldy, dep habarlaıdy Pm.kz.
«Keshe Sochıde Dmıtrıı Anatolııuly Medvedevpen birqatar ózekti máselelerdi, onyń ishinde shekara mańy yntymaqtastyǵy máselesin talqyladyq», - dedi Kárim Másimov.
Ózara iske asyrýdy talap etetin jobalardyń ishinde «Batys Eýropa - Batys Qytaı» kólik dálizi bar.
Boljamǵa sáıkes, 2020 jylǵa qaraı Qytaı, Ortalyq Azııa, Reseı jáne Eýropa arasyndaǵy júk aǵyny jylyna 33 mln tonnaǵa jetedi. Qytaı óz bóliginiń qurylysyn 2011 jyly aıaqtady. Qazaqstan joldyń óz bóligin 2016 jyly aıaqtaýdy kózdep otyr. Reseı tarapy joldyń óz bóligin tek 2020 jylǵa qaraı aıaqtaýdy josparlaýda. Qazaqstan Aqtóbeden Orynborǵa deıingi avtojoldyń túıisetin bóligin salý máselesi barynsha jyldam sheshiletinine senedi.
Budan ózge, shekara mańy yntymaqtastyǵynyń ózekti máselesi Jaıyq transshekaralyq ózeniniń ekologııalyq jaǵdaıy problemalaryn sheshý bolyp otyr. Jaǵdaıdy jaqsartý boıynsha is-sharalarda qazaqstandyq jáne reseılik taraptyń is-áreketterin úılestirý týraly máseleni Kárim Másimovtiń Batys Qazaqstan oblysyna jumys sapary barysynda aımaq turǵyndary kótergen bolatyn.
D. Medvedevpen ekijaqty kezdesýi barysynda K.Másimov osy ózekti máseleni talqylady.
«Men Orynborǵa baryp, osy máseleni talqylaýdy josparlap otyrmyn, sodan keıin óz is-qımylymyzdy úılestire alar edik», - dedi Kárim Másimov reseılik áriptesimen áńgimelesý barysynda.
«Iá, maǵan bul másele málim, jáne bul týraly men ózimniń áriptesterim men irgeles aımaqtardyń basshylaryna aıtqan bolatynmyn, sondyqtan bul máselemen birge aınalysaıyq», - dep D. Medvedev qazaqstandyq Premer-Mınıstrdiń usynysyn qoldady.
Sondaı-aq, kezdesý barysynda aldaǵy memleket basshylarynyń qatysýymen ótetin HІІІ Óńiraralyq yntymaqtastyq forýmy máseleleri talqylandy. Onyń taqyryby Eýrazııa keńistiginiń kólik-logıstıkalyq áleýetin damytýǵa arnalǵan. Onyń jumysyna Qazaqstanmen saýda-ekonomıkalyq baılanystardy retteýge jáne keńeıtýge múddeli reseılik kásipkerler jáne bıznes-kompanııalar qatysady dep josparlanǵan.
Ekonomıkalyq yntymaqtastyq salalaryndaǵy damý perspektıvalary týraly óz sózderinde Orynbor oblysy ekonomıkalyq damý, ónerkásiptik saıasat jáne saýda mınıstri Natalıa Bezborodova, QR energetıka mınıstri Qanat Bozymbaev, Batys Qazaqstan oblysynyń ákimi Altaı Kólginov aıtyp ótti.
Orynbor oblysy Reseı-Qazaqstan shekarasynyń 1 876 shaqyrymdy quraıtyn eń uzyn bóligimen shektesip jatyr. Orynbor oblysy Batys Qazaqstan, Aqtóbe jáne Qostanaı oblystarymen shektesedi. Oblysta 13 shekara mańy aýdany jáne 2 qala: Orsk jáne Novotroıtsk bar. Óńirdiń shekara mańy aýmaǵyna oblystyń 38% halqy, 34% ónerkásip jáne 35% astam aýyl sharýashylyǵy óndirisi tıesili. Orynbor oblysynyń úlesine Reseıdiń Qazaqstanmen syrtqy saýda kóleminiń 10% jýyǵy tıesili. Qazaqstannyń oblystyń syrtqy saýda aınalymyndaǵy úlesi shamamen 30%.
Orynbor oblysyndaǵy qazaq turǵyndarynyń etnomádenı damýy maqsatynda 13 ulttyq-mádenı qoǵamdyq birlestik qurylyp, jumys jasap tur.
