Ortalyqtandyrylǵan satyp alý: mınıstrlik dári-dármekten únemdelgen qarjyny qaıda jumsaıdy
«Negizgi problema - bul shamamen 3 mln adamdy tegin dári-dármekpen (400-den astam dári-dármek ataýy) qamtamasyz etý. 10 jyldyń ishinde bul ataý 180-nen 460-qa deıin artty. ıAǵnı, jyl saıyn biz adamdar alatyn jańa ataýlardy qosyp kelemiz. Sońǵy 5 jylda alýshylardyń sany 2 mıllıonnan 3,5 mıllıonǵa deıin jetti. Soǵan sáıkes somasy da artty. Degenmen, memleket aıqyndaǵan tizim boıynsha jergilikti bıýdjetterden barlyq patsıentterge birdeı qarjy bólingen joq. Buǵan qosa, dáriler túrli merzimde, alýan túrli baǵaǵa satyp alyndy», - dedi mınıstr Ortalyq kommýnıkatsııalar qyzmetindegi brıfıngte.
Onyń aıtýynsha, sondyqtan ótken jyly dári-dármekti ortalyqtandyrylǵan satý, alý týraly týraly zań qabyldanǵan.
«Bul bizge satyp alynatyn dári-dármektiń tizimin keńeıtýge, ashyq, taza saýda-sattyq júrgizýge múmkindik berdi. Satyp alýdyń barlyq protsedýralary onlaın kórsetildi. Mundaı esh ýaqytta bolǵan emes»,- deıdi ol.
Mınıstrdiń dereginshe, satyp alý protsedýrasy boıynsha 13 habarlandyrý júrgizilgen jáne olar qoǵam ókilderiniń, kásipkerlerdiń jáne patsıenttik uıymdardyń qatysýymen ótken.
«Satyp alý nátıjesinde aıtarlyqtaı únem boldy jáne únemdelgen barlyq qarajat dári-dármektiń qosymsha kólemin satyp alýǵa jumsaldy. Biz óńirlerden qosymsha ótinim aldyq jáne aǵymdaǵy jyly tapshylyq shamamen 34 mlrd teńge ekendigin baıqadyq. Dál osy mólsherdegi únemdelgen soma tapshylyqty jabýǵa shyǵyndaldy. Búginde jetpeı jatqan-dári-dármektiń barlyǵy qamtamasyz etiledi dep senimmen aıtýǵa bolady», - dedi Eljan Birtanov.