Ortalyq Azııanyń ekonomıkasy demografııalyq ósiminen 3 ese artta keledi – Erkin Tuqymov
«Men Ortalyq Azııa úshin strategııalyq belgisizdikti eń birinshi oryndaǵy qaterge jatqyzar edim. Búkil álemde strategııalyq belgisizdik artyp tur. Meniń oıymsha, bul bazalyq tendentsııa bizdiń óńirge de áser etedi. Bul jaqsy ma, álde jaman ba degenge kelsek, ekiudaı másele. Óıtkeni, bir jaǵynan álemniń jyldam ózgerip jatqany sonshalyq, bir ǵana býynnyń basynan irgeli ózgerister ótip jatyr. Buryn ondaı ózgerister júzdegen jyldarǵa sozylatyn», - deıdi sarapshy.
Onyń paıymynsha, dál qazir Ortalyq Azııa elderine strategııalaryn qaıta bir pysyqtap alý qajet.
«Bizdiń óńir úshin eń mańyzdy ıntellektýaldyq qater óz qatelikterimiz ben múmkindikterimizdi qanshalyqty durys tarazylaı alǵanymyzda sııaqty.
Biz mynaý qubylmaly álemge ekonomıkamyzdy, saıası júıe men qaýipsizdik júıesin durys beıimdeı aldyq pa? Óz strategııalarymyzdy durys tańdaı aldyq pa? Eger durys tańdap, beıimdeı almasaq, erteń kútpegen «qara aqqýlar» ǵana emes, burynnan belgili bolǵan, biraq eshkimniń eleýge murshasy bolmaǵan «sury múıiztumsyqtar» tabyn-tabynymen qaptaýy múmkin. Tipti bizdiń tutas sýbektiligimizdiń máselesi týyndaýy yqtımal. Bir ǵana mysal, álemdik aýqymda bizdegi óńir halqynyń sanyn paıyzǵa shaqqanda 1 paıyz ǵana bolsa, búkil ekonomıkamyzdyń jıyntyq salmaǵy 0,3 paıyz ǵana. ıAǵnı, ekonomıka boıynsha demografııalyq ósimnen keminde úsh ese artta kele jatyrmyz. Demek, qazirdiń ózinde strategııalarymyz týraly oılana bastaý kerek. Jalpy shıkizat eksporttaýshy model aıaqtalyp kele jatyr. Onyń tıimsiz ekenin túsinip otyrmyz. Ol bizdiń ishki ónimge ary ketse 1-3 paıyz ǵana ústeme qosa alatyn shyǵar. Bul degenimiz jańa qurylymdyq reformalar júrgizý qajettigin kórsetedi», - dedi QSZI dırektory.